پاکستانی اداکار اور سوشل میڈیا انفلوئنسر خاقان شاہنواز اپنے ایک حالیہ بیان کے باعث سوشل میڈیا پر بحث کا موضوع بن گئے جہاں صارفین کی جانب سے انہیں شدید تنقید کا سامنا کرنا پڑ رہا ہے۔
ایک پوڈکاسٹ میں مختلف شعبوں سے وابستہ افراد کے احترام کے حوالے سے گفتگو کرتے ہوئے خاقان شاہنواز کا کہنا تھا کہ ملک کی خدمت کرنے والے تمام افراد یکساں عزت کے مستحق ہیں۔
اس دوران انہوں نے فوجی جوانوں کی خدمات کا ذکر کرتے ہوئے کہا کہ وہ سرحدوں پر فرائض انجام دینے کے بدلے تنخواہ بھی حاصل کرتے ہیں۔
View this post on Instagram
اداکار کے اس تبصرے پر سوشل میڈیا صارفین نے ناراضی کا اظہار کیا اور اسے فوجی جوانوں اور شہداء کی قربانیوں کے حوالے سے نامناسب قرار دیا۔
معاملے پر بڑھتی ہوئی تنقید کے بعد خاقان شاہنواز نے اپنے ایک ویڈیو پیغام کے ذریعے وضاحت پیش کرتے ہوئے معذرت کرلی۔
View this post on Instagram
اپنے وضاحتی بیان میں اداکار نے کہا کہ میری گفتگو کو سیاق و سباق سے ہٹ کر پیش کیا گیا، میں مسلح افواج اور شہداء کا دل سے احترام کرتا ہوں اور میرا کسی کی دل آزاری یا توہین کرنے کا کوئی ارادہ نہیں تھا۔















