ڈسک گالف کی چار افراد پر مشتمل ٹیم نے ڈسک کو دھاتی باسکٹ میں ڈالنے کا ہدف صرف 44.31 سیکنڈ میں مکمل کرکے نیا گنیز ورلڈ ریکارڈ قائم کردیا۔
ٹیم میں ڈیوڈ رش جنہیں 2 سو سے زائد گنیز ورلڈ ریکارڈ رکھنے کا اعزاز حاصل ہے کے علاوہ ٹریوس ڈیوڈسن اور ٹریوس کے دو بیٹے اینڈرز اور اولیور شامل تھے۔
خیال رہے کہ ڈسک گالف ایک ایسا کھیل ہے جس میں کھلاڑی ایک مخصوص قسم کی اڑنے والی ڈسک کو ہوا میں اچھال کر دھاتی باسکٹ نما ہدف تک پہنچاتے ہیں۔ مقصد یہ ہوتا ہے کہ کم سے کم تھرو (پھینکنے) میں ہدف مکمل کیا جائے۔ اس کھیل کے قوانین روایتی گالف سے ملتے جلتے ہیں یہی وجہ ہے اس کے کھلاڑیوں کو ڈسک گالفرز کہا جاتا ہے۔
