ملک میں سونے اور چاندی کی قیمتوں میں ایک بار پھر نمایاں کمی ہوگئی سونے کی فی تولہ قیمت 5 ہزار 600 روپے گھٹ گئی۔
صرافہ مارکیٹ کے مطابق 5 ہزار 600 روپے کمی کے بعد فی تولہ سونے کی قیمت 4 لاکھ 48 ہزار 336 روپے ہوگئی، جبکہ 10 گرام سونا 4 ہزار 801 روپے سستا ہوکر 3 لاکھ 84 ہزار 375 روپے کا ہوگیا۔
عالمی مارکیٹ میں بھی سونے کی قیمت میں کمی ریکارڈ کی گئی، جہاں فی اونس سونا 56 ڈالر کی کمی کے بعد 4 ہزار 258 ڈالر پر آگیا۔
دوسری جانب چاندی کی قیمت میں بھی کمی کا سلسلہ جاری رہا، فی تولہ چاندی 171 روپے سستی ہوکر 6 ہزار 837 روپے پر آگئی۔
10 گرام چاندی کی قیمت میں 147 روپے کی کمی ہوئی، جس کے بعد نئی قیمت 5 ہزار 861 روپے مقرر ہوگئی۔
عالمی مارکیٹ میں فی اونس چاندی کی قیمت 63.59 ڈالر ریکارڈ کی گئی۔
