کترینہ کیف اور وجے سیتھوپتی کی فلم ‘میری کرسمس’ کی ریلیز کی تاریخ ایک بار پھر تبدیل کردی گئی ہے۔
یہ فلم پہلے 23 دسمبر کو ریلیز ہونے والی تھی، بعد میں اس تاریخ کو تبدیل کر کے 15 دسمبر کر دیا گیا تھا اور یہ وہی دن ہے جب سدھارتھ ملہوترا کی فلم ‘یودھا’ بھی سینما گھروں میں ریلیز ہونے والی ہے۔
View this post on Instagram
غیر ملکی خبر رساں ادارے کی رپورٹ کے مطابق ‘میری کرسمس’ کی ریلیز کی تاریخ میں ایک بار پھر تبدیلی کی گئی ہے جو کہ اعلان کردہ تاریخ سے ایک ہفتہ قبل 8 دسمبر کو سینما گھروں کی زینت بنے گی۔
’میری کرسمس‘ میں کترینہ کیف اور وجے سیتھوپتی پہلی بار اسکرین پر ایک ساتھ نظر آئیں گے جس کی ہدایتکاری سری رام راگھون نے کی ہے۔
فلم کی شوٹنگ دو زبانوں میں کی گئی ہے جس میں مختلف معاون اداکار شامل ہیں۔
View this post on Instagram
ہندی ورژن میں سنجے کپور، ونے پاٹھک، پرتیما کنن، اور تینو آنند شامل ہیں، جب کہ تامل ورژن میں رادھیکا سرتھ کمار، شنموگراجہ، کیون جے بابو، اور راجیش ولیمز ایک ہی کردار میں نظر آئیں گے۔
فلم میں ایک چائلڈ ایکٹر پری کو بھی متعارف کرایا گیا ہے جبکہ اشونی کالسیکر اور رادھیکا آپٹے دلچسپ کیمیوز میں نظر آئیں گی۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
