پاکستان سپر لیگ سیزن 8 کی افتتاحی تقریب کو یادگار بنانے کے لئے پی ایس ایل 8 کا آفیشل ترانہ ریلیز کر دیا گیا ہے۔

تفصیلات کے مطابق پاکستان سپر لیگ سیزن 8 کی افتتاحی تقریب 13 فروری کو ملتان کے کرکٹ اسٹیڈیم میں ہوں گی، جس میں پاکستان کے نامور فنکار اپنے فن کا مظاہر کریں گے۔

پی ایس ایل 8 کا افتتاح لیگ کے آفیشل ترانے سے ہو گا اس کو ’سب ستارے ہمارے‘ کا نام دیا گیا ہے، جسے گلوکار عاصم اظہر، شے گل اور فارس شفیع نے مل کر گایا ہے، جبکہ افتتاحی تقریب کو چار چاند لگانے کے لیے آئمہ بیگ اور ساحر علی بگا بھی اپنی خوبصورت آواز کے سحر میں شائقین مبتلا ہوں گے۔

واضح رہے کہ پاکستان کرکٹ بورڈ کی نئی مینجمنٹ کمیٹی پی ایس ایل 8 کو یادگار اور تاریخی بنانے کے لیے کا پرجوش دکھائی دیتی ہے۔

پی ایس ایل 8 میں تاریخ رقم کرتے ہوئے افتتاحی تقریب میں پہلی بار آگمنٹڈ ریالٹی اور ورچوئل ریالٹی کی تکنیک کا استعمال کیا جائے گا۔

🎉HBLPSL8 OPENING CEREMONY🎉

🗓️ Monday, 13th Feb, 2023
🕧 6PM
🏟️ Multan Cricket Stadium
🎤 Asim Azhar, Aima Baig, Faris Shafi, Sahir Ali Bagga, Shae Gill

Followed by the Opening Match:@MultanSultans vs @lahoreqalandars

🎟️https://t.co/hSBUE7q6dC#SabSitarayHumaray l #HBLPSL8 pic.twitter.com/JyEVF9uMOx

— PakistanSuperLeague (@thePSLt20) February 10, 2023

پی سی بی کے ذرائع کے مطابق آگمنٹڈ ریالٹی اور ورچوئل ریالٹی کا استعمال دنیا بھر کے شائقین کرکٹ کو متوجہ کرنے کے لیے استعمال کی جائے گی۔

پاکستان سپر لیگ سیزن 8 کی افتتاحی تقریب میں ڈرون کے ذریعے خوبصورت لائٹنگ کا مظاہرہ بھی کیا جائے گا۔

واضح رہے کہ پاکستان سپر لیگ سیزن 8 کا پہلا میچ بھی 13 فروری کو ہی کھیلا جائے گا جو افتتاحی تقریب کے بعد ملتان کرکٹ اسٹیڈیم میں ہو گا۔