ٹیسٹ کرکٹ میں ویرات کوہلی کا سنچری بنانے کا طویل انتظار اپنے اختتام کو پہنچا، آسٹریلیا کے خلاف بالآخر سنچری بنا ڈالی۔
تفصیلات کے مطابق بھارت کے ویرات کوہلی نے آسٹریلیا کے خلاف چوتھے ٹیسٹ میں 186 رنز بنا کر اپنی 28 ویں سنچری کا تین سال کا انتظار ختم کر دیا ہے۔
احمد آباد کے دنیا کے سب سے بڑے کرکٹ اسٹیڈیم میں میزبان ٹیم نے آسٹریلیا کے 480 رنز کو اوور ہال کرنے کے لیے اپنی پہلی اننگز 571 پر ختم کی اور پہلی اننگز میں 91 کی برتری حاصل کی۔
The long wait has finally ended for Virat Kohli 🔥#WTC23 | #INDvAUS | 📝 https://t.co/VJoLfVSeIF pic.twitter.com/JGZcVsHvHj
— ICC (@ICC) March 12, 2023
سابق کپتان ویرات کوہلی کھیل کے آخری سیشن میں ٹوڈ مرفی کے ہاتھوں آؤٹ ہونے والے آخری کھلاڑی تھے کیونکہ بھارت نے اپنی نویں وکٹ کھو دی تھی اور شریاس ائیر کمر میں درد کی وجہ سے بیٹنگ نہیں کر پائے تھے۔
آج بھارتی شائقین کو صرف اور صرف کوہلی کی 28 ویں ٹیسٹ سنچری کا انتظار تھا۔
سنچری بنانے کے بعد 34 سالہ ویرات کوہلی نے تماشائیوں اور ڈریسنگ روم کی طرف بلے سے اشارہ کیا اور گلے میں موجود سونے کے لاکٹ کو چوما۔
بھارت کے سابق کپتان ویرات کوہلی عالمی کرکٹ کے تینوں فارمیٹس میں 75 بین الاقوامی سنچریوں کے مالک ہیں۔
