قومی ٹیم کے سابق فاسٹ بولر محمد عامر نے اپنی حالیہ انجری سے متعلق مداحوں کو اپ ڈیٹ کردیا۔ 

ایشیا کپ میں نسیم شاہ کے انجرڈ ہونے کے بعد کچھ مداحوں کی جانب سے یہ مطالبہ کیا جارہا ہے کہ محمد عامر کو اسکواڈ میں واپس لایا جائے جو ان دونوں کیربیئن پریمیئر لیگ (سی پی ایل) کھیلنے میں مصروف ہیں۔

تاہم سی پی ایل کے ایک میچ کے دوران محمد عامر ہیمسٹرنگ انجری کا شکار ہو گئے ہیں اور اس حوالے سے فاسٹ بولر نے ایک ٹوئٹ میں اپنی انجری سے متعلق وضاحت کی ہے۔

I will be fine brother insha Allah. was on medication from last week. because of stomach infection . so just cramp up hwa hai hamstring hopefully Friday tak better ho ga insha Allah . https://t.co/NYAJN4FLx8

— Mohammad Amir (@iamamirofficial) September 20, 2023

ایکس (ٹوئٹر) پر جاری کیے گئے ایک پیغام میں محمد عامر نے اپنی انجری کی نوعیت کے بارے میں بتایا کہ ان شاء اللّٰہ میں ٹھیک ہو جاؤں گا، پیٹ کے انفیکشن کی وجہ سے میں پچھلے ہفتے سے دوائی لے رہا تھا اور بولنگ کے دوران پٹھے میں تکلیف محسوس ہوئی، امید ہے جمعہ تک ٹھیک ہو جاؤں گا۔

واضح رہے کہ عامر اب تک کیربیئن پریمیئر لیگ میں سب سے زیادہ وکٹ لینے والے دوسرے بولر ہیں، انہوں نے ٹورنامنٹ کے 9 میچز میں 15 وکٹیں حاصل کی ہیں۔