9 سال کی عمر میں فلپائن کے اسکیٹ بورڈر مازل پیرس الیگاڈو نے ایشین گیمز میں حصہ لے کر تاریخ رقم کردی

چین سے موصول ہونے رپورٹس کے مطابق پرائمری اسکول جانے کی عمر میں فلپائن کی 9 سالہ مازل پیرس الیگاڈو نے ہانگژو میں ہونے والے ایشین گیمز میں اسکیٹ بورڈنگ میں حصہ لے کر نئی تاریخ رقم کر دی۔

ہانگژو میں کھیلوں میں سب سے کم عمر ایتھلیٹ اور فلپائن کی نمائندگی کرنے والی الیگاڈو نے خواتین پارک کے فائنل کے لئے کوالیفائی کیا اور آٹھ میں سے ساتویں نمبر پر رہی۔ جاپان کے ہینانو کوساکی نے سونے کا تمغہ جیتا۔

مارچ میں نو سال کی ہونے والی اور مبینہ طور پر کیلیفورنیا سے تعلق رکھنے والی الیگاڈو نے کہا کہ وہ اسکیٹ بورڈنگ میں اس وقت آئی جب انہوں نے اپنے بھائی کو اپنے کزن کے گھر پر اسکیٹ بورڈنگ کرتے ہوئے دیکھا۔

الیگاڈو نے کہا کہ میں نے اسکیٹ بورڈنگ سیکھنے کی کوشش کی اور پھر میں بورڈ پر آ گئی اب مجھے صرف اسی سے محبت ہے۔

ایک بڑے بین الاقوامی مقابلے میں حصہ لینے کے بارے میں اپنے جذبات کے بارے میں بات کرتے ہوئے 9 سالہ الیگاڈو نے کہا کہ میں بہت پرجوش تھی کیونکہ میں ایشین گیمز میں اسکیٹنگ کرنے والی تھی اور میں نے ایسا ہی کیا، لہذا یہ بہت مزہ تھا.

جب ان سے پوچھا گیا کہ کیا ان کا بھائی اب بھی اسکیٹنگ کرتا ہے تو انھوں نے جواب دیا کہ نہیں کیونکہ وہ کہہ رہے تھے کہ میں اب اس سے بہتر اسکیٹ بورڈنگ کر لیتی ہوں اسی لیے وہ آگے بڑھ نہیں پائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں