قومی کرکٹ ٹیم کے کپتان بابراعظم کی ذاتی واٹس ایپ چیٹ لیک کرنے پر سابق کھلاڑیوں کی جانب سے تنقید کی گئی ہے۔
سوشل میڈیا پر وائرل ویڈیو میں پاکستان کے سابق کپتان راشد لطیف نے سرکاری میڈیا پر ایک پروگرام کے دوران یہ الزام عائد کیا تھا کہ بابراعظم چیئرمین پی سی بی اور سی ای او پی سی بی سلمان نصیر کو مسلسل فون کررہے ہیں لیکن وہ ان کے پیغامات کا جواب نہیں دہے رہے جس کے بعد سے یہ معاملہ میڈیا میں زیر بحث ہے۔
بعد ازاں ایک صحافی نے نجی ٹی وی شو میں قومی ٹیم کے کپتان بابراعظم کی سی ای او پی سی بی سلمان نصیر کی واٹس ایپ پر کی گئی ذاتی گفتگو نشر کی۔ جس پر وہاں موجود قومی ٹیم کے سابق کپتان نے اعتراض کیا کہ یہ چیٹ دکھانے سے پہلے بابراعظم سے اجازت لینی چاہیے تھی۔
بابراعظم سے کی گئی گفتگو میں سلمان نصیر نے بابراعظم سے سوال کیا کہ میڈیا میں ایسی باتیں چل رہی ہیں کہ آپ نے چیئرمین پی سی بی سے رابطہ کرنے کی کوشش کی اور انہوں نے کوئی جواب نہیں دیا جس پر بابراعظم نے جواب دیا کہ میں نے انہیں کوئی فون نہیں کیا تھا۔
Ya kya Karna ki koshish kar raha ho aap loog??? This is pathetic !!!
Khush ho gaya aap loog. Please leave @babarazam258 alone 🙏🏽. He’s an asset of Pakistan Cricket @TheRealPCB @ARYNEWSOFFICIAL @Salman_ARY https://t.co/pcM90yUGqy— Waqar Younis (@waqyounis99) October 30, 2023
پاکستان کرکٹ ٹیم کے سابق فاسٹ بولر اور کوچ وقار یونس نے قومی ٹیم کے کپتان بابر اعظم کی پرسنل واٹس ایپ چیٹ لیک کرنے کے معاملے پر تنقید کرتے ہوئے کہا کہ آپ لوگ یہ کیا کرنے کی کوشش کر رہے ہیںَ؟
وقار یونس نے نجی ٹی وی کے پروگرام کا کلپ بھی سوشل میڈیا پر شیئر کرتے ہوئے لکھا کہ یہ ایک نہایت ہی مضحکہ خیز عمل ہے۔ قومی ٹیم کے سابق فاسٹ بولر نے لکھا کہ خوش ہو گئے آپ لوگ، برائے مہربانی بابر اعظم کو اکیلا چھوڑ دیں، وہ پاکستان کرکٹ کا ایک اثاثہ ہیں۔
