امریکن پریمیئر لیگ (اے پی ایل) کے مالک اور امپائر کے درمیان مبینہ طور پر واجب الادا رقم کی ادائیگی کے حوالے سے اختلافات پیدا ہو گئے ہیں۔

بھارتی میڈیا کی رپورٹ کے مطابق امریکن پریمیئر لیگ (اے پی ایل) کے مالک اور امپائر کے درمیان ادائیگی کے معاملے پر جھگڑا ہونے کے بعد بڑے پیمانے پر تنازعہ پیدا ہوگیا۔ رپورٹس کے مطابق امپائرز کا دعویٰ ہے کہ انہیں ان کی واجب الادا رقم 30 ہزار ڈالر ادا نہیں کی گئی۔

Danny Khan ,Vijaya ,Brian Owens were told that they cannot black mail and hold the semi hostage as an umpire but these greedy umpires didn't budge at which point they were asked to leave so the match goes on and they refused and held the match hostage at which point cops called

— American Premier League (APL) (@APLCRICKETUSA) December 31, 2023

دوسری جانب اے پی ایل نے دعویٰ کیا ہے کہ امپائر نے ڈاؤن پیمنٹ ملنے کے باوجود مالک سے رقم کا مطالبہ کیا اور سیمی فائنل روکنے کے لیے بلیک میل کیا۔ آرگنائزر نے مزید کہا کہ پولیس کو موقع پر بلایا گیا اور امپائر کو گراؤنڈ سے باہر نکال دیا گیا۔

Here's another update from the drama unfolding in Texas today at the American Premier League T20 cricket event. Umpires who had the cops called on them by APL official for not taking the field say they refused to take the field because they were owed… Approximately $30,000. https://t.co/rzodjRUVSg pic.twitter.com/VaK5WLeyXM

— Peter Della Penna (@PeterDellaPenna) December 30, 2023

اے پی ایل منتظمین کا کہنا ہے کہ امپائر کو ڈاؤن پیمنٹ دی گئی اور انہوں نے سیمی فائنل کو یرغمال بنا لیا اور مالک کو بلیک میل کرتے ہوئے 30 ہزار ڈالر کا مطالبہ کیا ورنہ میچ کرانے سے انکار کیا جس کے بعد پولیس کو فون کرنا پڑا۔

آئی سی سی پینل کے امپائر وجے پرکاش ملیلا نے کہا کہ وہ گزشتہ 10 دنوں سے ٹیموں کے ساتھ ہیں، انہوں نے جب معاوضے کی ادائیگی کا مطالبہ کیا تو پولیس کو بلوا لیا گیا۔