پیرس اولمپکس کوالیفائرز میں ملائیشیا کے خلاف میچ ڈرا کے بعد پیرس اولمپکس 2024 میں پاکستان کے کوالیفائی کرنے کا امکان بڑھ گیا ہے۔
پاکستان نے عمان میں جاری پیرس اولمپکس کوالیفائرز میں ملائیشیا کے خلاف 3-3 گول سے میچ برابر کرکے سیمی فائنل تک رسائی حاصل کرلی ہے۔
سیمی فائنل میں پاکستان کا مقابلہ عالمی چیمپئن جرمنی سے ہوگا جس سے فتح کے بعد پاکستان سمر اولمپکس 2024 میں کوالیفائی کرجائے گا۔
یہ بھی پڑھیں: اولمپک کوالیفائر ایونٹ کے لیے پاکستان ہاکی ٹیم کا اعلان
ملائیشیا کے خلاف میچ میں پاکستان کی جانب سے خان سفیان، رانا وحید اور کپتان عماد بٹ نے گول اسکور کیے جب کہ عماد بٹ کو میچ کے بہترین کھلاڑی کے اعزاز سے بھی نوازا گیا۔
Stunning ball control and finish by captain Ammad Butt to bring Pakistan back in the game! 🇵🇰✨#HockeyInvites #Paris2024 pic.twitter.com/S4osVYx9Xo
— Muneeb Farrukh (@Muneeb313_) January 18, 2024
واضح رہے کہ اس سے قبل پیرس اولمپکس کوالیفائرز میں پاکستان نے چین کو 2-0 سے شکست دی تھی جب کہ برطانیہ کے خلاف میچ میں پاکستان کو 6-1 سے شکست کا سامنا کرنا پڑا تھا۔
