پاکستان کرکٹ ٹیم کے سابق کپتان شاہد آفریدی کو حکومت نے 2 وزارتوں کی پیشکش کردی۔
ذرائع کے مطابق قومی کرکٹ ٹیم کے سابق کپتان شاہد آفریدی کو وزیر اعظم شہباز شریف نے 2 وزارتوں کی پیشکش کی۔
ذرائع کا کہنا ہے کہ شاہد آفریدی کو اسپورٹس اور یوتھ کی وزارتوں کی پیشکش کی گئی تھی جس پر انہوں نے وزیر اعظم کا شکریہ ادا کرکے معذرت کرلی۔
شاہد آفریدی نے پیشکش قبول کرنے سے معذرت کرتے ہوئے کہا کہ آپ کی عزت کا شکریہ، میں اپنی فاؤنڈیشن پر فوکس کرنا چاہتا ہوں۔
