اسلام آباد: قومی اسمبلی کا اجلاس 21 ستمبر کو بلانے کا فیصلہ کیا گیا ہے جس میں نئے صوبوں پر بحث کا امکان ہے۔

ذرائع کے مطابق وزارت پارلیمانی امور آئندہ ہفتے اجلاس بلانے کی سمری تیار کرکے وزیر اعظم کو ارسال کرے گی۔

ذرائع نے بتایا کہ وزیر اعظم سمری کی منظوری کے بعد قومی اسمبلی کا اجلاس بلانے کے لیے معاملہ صدر کو بھجوائیں گے۔

ذرائع کا کہنا ہے کہ قومی اسمبلی کے آئندہ اجلاس میں اہم قانون سازی کا امکان ہے جب کہ اجلاس کے دوران نئے صوبوں کے معاملے پر بھی بحث ہونے کا امکان ہے۔