قومی کرکٹر امام الحق کا کہنا ہے کہ میری اہلیہ کا انسٹاگرام کے علاوہ ٹوئٹرسمیت کوئی دوسرا سوشل میڈیا اکاؤنٹ نہیں۔
پاکستان کرکٹ ٹیم کے مایہ ناز بیٹر امام الحق کی شادی کی تقریبات کی تصاویر و ویڈیوز سوشل میڈیا پر وائرل ہوئیں اور دیکھنے والے خوبصورت جوڑے کی تعریف کیے بنا نہیں رہ سکے۔
شادی کی تصاویر و ویڈیوز ٹوئٹر سمیت دیگر سوشل میڈیا پلیٹ فارمز پر امام الحق کی اہلیہ انمول محمود کے نام سے منسوب اکاؤنٹس سے بھی شیئر کی گئیں۔
یہ بھی پڑھیں: امام الحق کے پرتعیش ولیمے کے چرچے
تاہم اب قومی کھلاڑی کی جانب سے اہلیہ انمول محمود کا انسٹاگرام کے علاوہ ٹوئٹر سمیت دیگر سوشل میڈیا اکاؤنٹس کی تردید سامنے آگئی ہے۔
امام الحق نے ایکس پر لکھا ’’دوستو برائے کرم نوٹ کرلیں میری اہلیہ کا انسٹاگرام اکاؤنٹ کے علاوہ کوئی دوسرا ٹوئٹر یا سوشل میڈٰیا اکاؤںٹ نہیں‘‘۔
Guys please note that my wife doesn’t have any Twitter/other social media IDs except this Instagram account. pic.twitter.com/cpqTfhTQgN
— Imam Ul Haq (@ImamUlHaq12) November 28, 2023
یاد رہے کہ قومی کھلاڑی انمول محمود کے ساتھ شادی کے بندھن میں بندھ گئے ہیں جب کہ ان کی شادی کی تقریبات کا آغاز 21 نومبر کو ناروے میں مہندی کی تقریب سے ہوا تھا۔
بعد ازاں 23 نومبر کو لاہور میں قوالی نائٹ کا اہتمام کیا گیا جب کہ قوالی نائٹ میں معروف قوال حمزہ اکرم نے اپنی آواز کا جادو جگایا اور مہمانوں کو اپنی پرفارمنس سے خوب محظوظ کیا۔
25 نومبر کو نکاح کے بعد یہ خوبصورت جوڑا رشتہ ازدواج میں بندھ گیا جب کہ ولیمے کی تقریب لاہور میں منعقد کی گئی جس میں کئی نامور موجودہ اور سابق کھلاڑیوں سمیت شوبز کی شخصیات نے بھی شرکت کی۔
