آج ہم آپکو بتائیں گے کہ سال 2022 کی وہ 3 شوبز جوڑیاں کونسی ہیں جن کی طلاق کی افواہیں سرگرم رہیں۔
شعیب ملک اور ثانیہ مرزا
پاکستان کرکٹ ٹیم کے سابق کپتان شعیب ملک اور بھارتی ٹینس اسٹار ثانیہ مرزا میں علیحدگی کی خبروں نے دونوں ملکوں میں تہلکہ مچا رکھا ہے۔
لیکن اس مشہور جوڑی کی طرف سے تردید آئی، نہ ہی تصدیق کی گئی۔ صرف یہی نہیں بلکہ بھارتی میڈیا کی جانب سے یہ بھی دعویٰ کیا گیا کہ جوڑے کے درمیان طلاق کے لیے صرف کاغذی کارروائی مکمل ہونا باقی ہے۔
ابھی لوگ ان کی راہیں جدا ہونے کی خبروں میں الجھے ہی ہوئے تھے کہ وہیں اچانک سے دونوں اسٹارز نے ایک ٹی وہ شو شروع کرنے کا اعلان کر دیا جس کا نام ”دی ملک مرزا شو“ ہے۔
اس شو کے بارے میں انٹرویو دیتے ہوئے ثانیہ مرزا کا کہنا تھا کہ یہ کسی بھی طرح سے متنازع نہیں ہوگا اور اس کا مقصد محبت کو پھیلانا ہے۔
شعیب ملک نے ثانیہ سے طلاق کی خبروں کا جواب دیتے ہوئے کہا کہ ایسی خبروں کو نظر انداز کریں۔
حال ہی میں شعیب کی انسٹا گرام پروفائل کے بعد کہانی میں نیا موڑ آیا، دراصل شعیب ملک نے بائیو میں ثانیہ مرزا کا اکاؤنٹ ٹیگ کیا اور ساتھ ہی لکھا کہ وہ ایک سُپر وومن کے شوہر ہیں۔
فرحان سعید اور عروہ حسین
گلوکار فرحان سعید اور اداکارہ عروہ حسین کے درمیان نومبر 2020 میں ابتدائی طور پر اختلافات اور بعد ازاں علیحدگی اور پھر طلاق کی خبریں سامنے آئی تھیں۔
تب سے لے کر اب تک دونوں کو ایک ساتھ نہیں دیکھا گیا تھا اور نہ ہی ان افواہوں کی تصدیق ہو پائی تھی لیکن 18 اکتوبر 2022 کو دونوں کو ’ٹچ بٹن‘ فلم کی پروموشن کے دوران اکٹھے دیکھا گیا تھا۔
یہ فلم عروہ حسین نے پروڈیوس کی ہے اور اس میں فرحان سعید نے بھی بطور اداکار کام کیا ہے۔
اختلافات کی خبروں کے درمیان اداکارہ عروہ حسین نے ایک انٹرویو میں فرحان سعید سے طلاق کے معاملے پر وضاحت دینے سے گریز کرتے ہوئے جواب دیا تھا کہ کیا لوگوں کے لیے یہ سب کچھ ناکافی ہے کہ وہ ایک دوسرے کی عزت کرتے ہیں؟
تاہم اب تک عروہ اور فرحان کی جانب اس حوالے سے کوئی بیان سامنے نہیں آیا اور نہ ہی دونوں نے ان کی تصدیق یا تردید کی ہے۔
خیال رہے کہ اداکارہ عروہ حسین اور گلوکار فرحان سعید 16 دسمبر 2016 کو رشتہ ازدواج میں منسلک ہوئے تھے۔
احد رضا میر اور سجل علی
شوبز سپر اسٹارز احد رضا میر اور سجل علی کے حوالے سے 2022 کے دوران مسلسل یہ خبر گردش کرتی رہی کہ ان کی علیحدگی کے بعد اب طلاق بھی ہو چکی ہے لیکن ابھی تک دونوں کی جانب سے نہ تو اس کی تصدیق کی گئی ہے اور نہ ہی تردید کی گئی ہے۔
دونوں کے اختلافات کی خبریں تب زور پکڑ گئی تھیں جب احد رضا میر نے سجل علی کی چھوٹی بہن اداکارہ صبور علی کی شادی میں بھی شرکت نہیں کی تھی۔
بعد ازاں سجل علی نے اپنے انسٹا گرام پروفائل پر اپنا نام سجل احد میر سے بدل کر سجل علی کر دیا تھا۔
یوٹیوب پر ایک لائیو سیشن کے دوران پاکستانی شوبز انڈسٹری سے تعلق رکھنے والی صحافی آمنہ عیسانی کی جانب سے دعویٰ کیا گیا کہ سجل علی اور احد رضا میر کے درمیان باقاعدہ قانونی طور پر طلاق ہو چکی ہے۔
تاہم اِس خبر پر بھی باقاعدہ طور پر سجل علی اور احد رضا میر کی جانب سے کوئی تردید یا تصدیق نہیں کی گئی۔
