پاکستان کے سیلاب متاثرہ علاقوں میں تعمیرنو اور بحالی کے لیے جنیوا ڈونرز کانفرنس کے معاملے پر وزیر خارجہ بلاول بھٹو زرداری نے ایشیائی ترقیاتی بینک کے نائب صدر شکسن چِن سے ٹیلیفونک رابطہ کیا۔
اس حوالے سے بلاول بھٹو نے سماجی رابطے کی ویب سائٹ پر اپنے بیان میں کہا کہ ایشیائی ترقیاتی بینک کے نائب صدر سے گفتگو کر کے دلی مسرت ہوئی۔
Pleasure talking to Mr. Shixin Chen, VP ADB. Appr @ADB_HQ support & solidarity with people of 🇵🇰 during 2022 devastating floods. Looking fwd to cont. collaboration with ADB as🇵🇰 embarks upon post-flood recons and rehab. With partners, we'll build back a strong climate resilient🇵🇰 pic.twitter.com/YssSXYUbX5
— Bilawal Bhutto Zardari (@BBhuttoZardari) January 4, 2023
وزیر خارجہ نے کہا کہ پاکستان میں تباہ کن سیلاب کے دوران ایشیائی ترقیاتی بینک کا تعاون، اظہار یکجہتی قابل قدر ہے۔
پاکستان سیلاب کے بعد تعمیرنو اور بحالی کی جانب بڑھ رہا ہے
انہوں نے کہا کہ پاکستان سیلاب کے بعد تعمیرنو اور بحالی کی جانب بڑھ رہا ہے، تعمیرنو اور بحالی کے لیے ایشیائی ترقیاتی بینک کے ساتھ دیرپا تعاون کے خواہاں ہیں۔
یہ بھی پڑھیں؛ وزیر خارجہ بلاول بھٹو سے چینی سفیر کی ملاقات
بلاول بھٹو زرداری نے مزید کہا کہ شراکت داروں کے ساتھ مل کر پاکستان کو موسمیاتی طور پر بہتر، مضبوط بنائیں گے۔
بلاول بھٹو اور انڈونیشیا کی وزیر خارجہ کے درمیان ٹیلیفونک رابطہ
گزشتہ روز وزیر خارجہ بلاول بھٹو زرداری نے ٹوئٹر پر اپنے ایک پیغام میں کہا تھا کہ ان کا انڈونیشیا کی وزیر خارجہ سے ٹیلیفونک رابطہ ہوا، انڈونیشین ہم منصب سے گفتگو کرکے بہت مسرت ہوئی۔
Pleasure talking to FM @Menlu_RI of Indonesia today. Appr 🇮🇩solidarity, cont support for flood affectees & climate resilient 🇵🇰 Exch views on bil.& global issues of mutual interest incl. Afghanistan. Reaff committ to strength🇵🇰🇮🇩 rels; work together for women rights & empowerment pic.twitter.com/BWX8fKRg3T
— Bilawal Bhutto Zardari (@BBhuttoZardari) January 3, 2023
انکا کہنا تھا کہ گفتگو میں انڈونیشیا نے سیلاب متاثرین کے ساتھ اظہار یکجہتی کی اور ہر ممکن مدد کے عزم کا اظہار بھی کی جبکہ موسمیاتی طور پر مضبوط پاکستان کانفرنس کے لیے ہر ممکن تعاون کی یقین دہانی بھی کرائی گئی۔
یہ بھی پڑھیں؛وزیر اعظم شہباز شریف سے وزیر خارجہ بلاول بھٹو کی ملاقات
بلاول بھٹو نے کہا کہ گفتگو میں دوطرفہ اور عالمی معاملات، باہمی دلچسپی کے امور پر تبادلہ خیال کیا گیا جبکہ افغانستان کی صورتحال پر بھی سیر حاصل گفتگو کی گئی اور پاک، انڈونیشیاء تعلقات کو مزید مضبوط بنانے کے عزم کا اعادہ بھی کیا گیا۔
وزیر خارجہ بلاول بھٹو زرداری مزید کہا کہ اس موقع پر دونوں جانب سے خواتین کے حقوق اور انہیں بااختیار بنانے کے لیے مل کر کام کرنے پر بھی اتفاق کیا گیا۔
