وفاقی وزیر شیری رحمان نے کہا ہے کہ مودی سرکار اور بی جے پی کے نام نہاد انتہاپسند آج تک “بھٹو” نام سے خوفزدہ ہیں۔
سماجی رابطے کی ویب سائٹ پر اپنے ایک پیغام میں شیری رحمان نے شہید بینظیر بھٹو کے پوسٹر لگانے پر آل انڈیا ڈیموکریٹک ویمنز ایسوسی ایشن کی جرأت کو سلام پیش کیا ہے۔
Extremists everywhere hate the Bhutto name. In Kerala,India when the All India Democratic Women’s Association put up Shaheed Benazir Bhutto’s poster as an iconic leader,BJP crowds vandalised it. Her courage outshines their hate. Kudos to #AIDWA for standing up to their ideals. pic.twitter.com/ExkWOmJpt3
— SenatorSherryRehman (@sherryrehman) January 7, 2023
انہوں نے کہا کہ آل انڈیا ڈیموکریٹک ویمنز ایسوسی ایشن نے نیشنل کانفرس کے دعوت نامے اور کیرالہ کے دارالحکومت میں شہید بینظیر بھٹو کی تصاویر سجائی ہیں اور ان کو بھرپور خراج پیش کیا ہے۔
ان کا کہنا تھا کہ شہید محترمہ بینظیر بھٹو نا صرف پاکستان بلکہ پوری دنیا کی خواتین کے لئے ایک رول ماڈل ہیں، انہوں نے پوری زندگی اسی انتہاپسندی کے خلاف جنگ لڑی اور آخر تک پہاڑ کی طرح ڈٹی رہیں۔
یہ بھی پڑھیں: پاکستان پیپلزپارٹی آج بھی شہید بینظیر بھٹو کے مشن پر گامزن ہے، شازیہ مری
وفاقی وزیر شیری رحمان نے کہا ہے کہ بی جے پی کے انتہاپسندوں کو شہید بینظیر بھٹو کی تصاویر اور ترقی پسند نظریات سے آج بھی خطرہ محسوس ہوتا ہے جس کی وجہ سے آل انڈیا ڈیموکریٹک ویمنز ایسوسی ایشن کی جانب سے ریاست کیرالہ میں شہید محترمہ بینظیر بھٹو کے پوسٹر لگانے پر مودی کے انتہاپسند بھڑک اٹھے ہیں۔
