لاہور: سیاسی منظر نامے پر جہانگیر ترین دوبارہ متحریک ہو گئے ہیں، سیاسی رہنما جہانگیر ترین نے وزیر اعظم شہباز شریف کے صاحبزادے سلیمان شہباز سے ملاقات کی ہے۔

ذرائع کے مطابق  جہانگیر ترین نے وزیر اعظم شہباز شریف کے مشیر عون چوہدری کے ہمراہ سلیمان شہباز سے ملاقات کی، جس میں ملکی سیاسی صورتحال پر تبادلہ خیال کیا گیا۔

جہانگیر ترین کی سلیمان شہباز سے ملاقات#BOLNews #SulemanShehbaz #BreakingNews pic.twitter.com/nSDsDZM4Ns

— BOL Network (@BOLNETWORK) January 10, 2023

ذرائع کا کہنا تھا کہ ملاقات میں سلیمان شہباز نے جہانگیر ترین کو وزیر اعظم شہباز شریف کا پیغام پہنچایا۔

علاوہ ازیں ملاقات کے دوران دونوں رہنماؤں نے پنجاب میں سیاسی اتحاد پر بھی تبادلہ خیال کیا اور کنگز پارٹی پر بھی مشاورت کی۔

ذرائع نے مزید بتایا کہ ملاقات میں سلیمان شہباز نے جہانگیر ترین سے سوال کیا کہ کنگز پارٹی کو کیا جنوبی پنجاب تک محدود کیا گیا ہے اور اس میں کس جماعت کے کتنے لوگوں کو شامل کیا جارہا ہے۔