عوامی مسلم لیگ کے سربراہ اور سابق وزیر داخلہ شیخ رشید کو اسلام آباد پولیس کی جانب سے گرفتار کرلیا گیا ہے۔

تفصیلات کے مطابق عوامی مسلم لیگ کے سربراہ اور سابق وزیر داخلہ شیخ رشید کو رات گئے اسلام آباد پولیس نے ان کی رہائش گاہ سے گرفتار کیا ۔

شیخ رشید عدالت میں پیش
پولیس کی جسمانی ریمانڈ کی استدعا #BOLNews #SheikhRasheed @ShkhRasheed @PTIofficial pic.twitter.com/v8FniUuRQw

— BOL Network (@BOLNETWORK) February 2, 2023

گرفتاری کے بعد شیخ رشید کا پولی کلینک اسپتال میں میڈیکل چیک اپ کرایا گیا جس کے بعد انہیں سی ٹی ڈی کی گاڑیوں کے حصار میں تھانہ سیکرٹریٹ پہنچایا گیا۔

مقدمے کی تفصیلات:

شیخ رشید کے خلاف سابق صدر آصف زرداری پر عمران کو قتل کرنے کی سازش سے متعلق بیان پر مقدمہ درج کیا گیا ہے۔

سابق وفاقی وزیر داخلہ شیخ رشید کو گرفتار کیے جانے کے بعد آج جوڈیشل مجسٹریٹ عمر شبیر کی عدالت میں پیش کیا جائے گا۔

پولیس شیخ رشید کے جسمانی ریمانڈ کی استدعا کرے گی۔

دفعہ 153A نفرت انگیز تقریر کرنے پر لگی جس کی سزا پانچ سال مقرر ہے جبکہ عوام کو اشتعال دلانے پر دفعہ 505 لگائی گئی جس کی سزا سات سال قید مقرر ہے اور دفعہ 120 بی ریاست کے خلاف بغاوت پر اکسانا بھی شامل ہے۔