شان مسعود اور شاداب خان کے بعد قومی فاسٹ بولر شاہین شاہ آفریدی بھی شاہد آفریدی کی بیٹی انشاء آفریدی کے ساتھ نکاح کے بندھن میں بندھ گئے ہیں۔
قومی کرکٹ ٹیم کے فاسٹ بولر شاہین شاہ آفریدی کے نکاح کی تقریب منعقد ہوئی جس میں پاکستان کرکٹ ٹیم کے متعدد کھلاڑی بھی شریک ہوئے۔
یہ بھی پڑھیں: قومی ٹیم کے آل راؤنڈر شاداب خان نے نکاح کرلیا
نکاح کی تقریب میں کپتان بابر اعظم، سابق کپتان سرفراز احمد اور شاداب خان موجود تھے جب کہ نسیم شاہ، حمزہ میر اور محمد حفیظ نے بھی شرکت کی۔
Pakistani cricketers grace Shaheen Afridi's wedding #ShaheenShahAfridi pic.twitter.com/38Z5qraPsv
— Cricket Pakistan (@cricketpakcompk) February 3, 2023
تقریب میں اسکواش کنگ جہانگیر خان اور اداکار ادنان صدیقی بھی شریک تھے جب کہ نکاح کی ویڈیو سوشل میڈیا پر وائرل ہوگئی جس کے بعد صارفین کی جانب سے مبارکباد کا سلسلہ بھی شروع ہوگیا۔
View this post on Instagram
علاوہ ازیں قومی کھلاڑیوں نے بھی شاہین شاہ آفریدی کو زندگی کا نیا سفر شروع کرنے پر مبارکباد پیش کی اور ان کے لیے نیک تمناؤں کا اظہار کیا۔
یہ بھی پڑھیں: شاہد آفریدی کی بڑی بیٹی کا نکاح ہوگیا؛ ویڈیو وائرل
قومی ٹیم کے وکٹ کیپر و بیٹر محمد رضوان نے سوشل میڈیا پر ویڈیو شیئر کرتے ہوئے انہیں مبارکباد پیش کی اور انہیں دعا دی۔
Prayers for you my baby brother @iShaheenAfridi. May you and your wife be the source of happiness and joy for each other, Ameen. #ShaheenShahAfridi pic.twitter.com/VL7Wp7x6uR
— Muhammad Rizwan (@iMRizwanPak) February 3, 2023
دعا دیتے ہوئے انہوں نے کہا کہ ’اللہ آپ کی جوڑی کو پوری امت کی ہدایت کا ذریعہ بنائے اور جوڑی کی برکت سے دنیا میں جتنے بھی جوڑے ہیں اللہ پاک انہیں خوش رکھے‘۔
واضح رہے کہ اس سے قبل قومی بلے باز شان مسعود اور آل راؤنڈر شاداب خان بھی نکاح کے بندھن میں بندھ گئے ہیں۔
