وزیراعظم شہباز شریف نے کہا ہے کہ زلزلے کی تباہی سے نمٹنے میں ترکیہ کے ساتھ بھرپور تعاون کیا جائیگا۔
تفصیلات کے مطابق وزیراعظم شہباز ریف کی زیر صدارت وفاقی کابینہ کا اجلاس میں منعقد ہوا جس میں کابینہ کی جانب سے ترکیہ میں ہولناک زلزلہ پر اظہار افسوس کیا گیا۔
دوران اجلاس وزیر اعظم اور کابینہ نے ترکیہ کے عوام اور حکومت سے یکجہتی کا اظہار بھی کیا۔
یہ بھی پڑحیں: وزیراعظم کا دورہ ترکیہ، آل پارٹیز کانفرنس موخر کردی گئی
اس موقع پر وزیر اعظم نے کابینہ اراکین کو دورہ ترکیہ سے متعلق آگاہ کیا اور بتایا کہ قیمتی انسانی جانوں کے ضیاع پر بے حد رنجیدہ ہیں۔
وزیراعظم کا کہنا تھا کہ زلزلے کی تباہی سے نمٹنے میں پاکستان ترکیہ کی حکومت اور عوام کے ساتھ بھرپور تعاون کرے گا۔
دوسری جانب وفاقی کابینہ کا کہنا تھا کہ آزمائش کی اس گھڑی میں پاکستان اپنے بھائی ترکیہ اور اسکے عوام کے ساتھ ہیں۔
اس سے قبل اپنے ایک پیغام میں وزیراعظم شہباز شریف نے کہا کہ ترکی اور شام کے زلزلہ متاثرین کے ساتھ اظہار یکجہتی کو ٹھوس اور بروقت مادی امداد میں تبدیل کیا جانا چاہیے۔
24 hours after the devastating earthquake hit Turkiye & Syria, scenes of death & destruction are mind numbing. It breaks the heart to witness sheer scale of unfolding human tragedy. Solidarity should translate into tangible & timely material support for suffering humanity.
— Shehbaz Sharif (@CMShehbaz) February 7, 2023
واضح رہے کہ وفاقی وزیر اطلاعات مریم اورنگزیب نے بتایا کہ وزیراعظم شہباز شریف کے دورہ ترکیہ کے باعث اے پی سی موخر کی گئی، وزیراعظم کل صبح انقرہ روانہ ہوں گے۔
وفاقی وزیر نے کہا کہ وزیراعظم صدر اردوان سے زلزلے کی تباہی، جانی نقصان پر افسوس اور تعزیت، ترکیہ کے عوام سے یکجہتی کریں گے۔
وزیراعظم شہباز شریف کل صبح انقرہ روانہ ہوں گے، وہ صدر اردوان سے زلزلے کی تباہی، جانی نقصان پر افسوس اور تعزیت،ترکیہ کے عوام سے یک جہتی کریں گے۔ وزیراعظم کے دورہ ترکیہ کی وجہ سے جمعرات 9 فروری کو بلائی گئی اے پی سی مؤخر کی جا رہی ہے، اتحادیوں کی مشاورت سے نئی تاریخ کا اعلان ہوگا
— Marriyum Aurangzeb (@Marriyum_A) February 7, 2023
مریم اورنگزیب نے مزید بتایا کہ وزیراعظم کے دورہ ترکیہ کی وجہ سے جمعرات 9 فروری کو بلائی گئی اے پی سی مؤخر کی جا رہی ہے، اتحادیوں کی مشاورت سے نئی تاریخ کا اعلان ہوگا۔
