پارٹی رہنماؤں سمیت اتحادی رہنماؤں کو سیاسی انتقام کا نشانہ بنانے پر چیئرمین پی ٹی آئی عمران خان نے حکومت کو کڑی تنقید کا نشانہ بنایا ہے۔
سماجی رابطے کی ویب سائٹ پر اپنے ایک پیغام میں سابق وزیراعظم اور پاکستان تحریک انصاف کے چیئرمین نے حکومت پر تنقید کی ہے۔
Just to remind, arrests of & actions ag Sharifs & others during our govt, were a result of NAB cases with over 95% filed before we were voted into power & of the int Panama revelations. While in custody they were given VIP treatment. But what they wanted was NRO which we refused.
— Imran Khan (@ImranKhanPTI) February 8, 2023
انہوں نے کہا ہے کہ گجرات میں پرویز الٰہی کے گھر پر پولیس کے بار بار چھاپوں، ان کے حامیوں اور ان کے ساتھ کام کرنے والوں کی من مانی گرفتاریوں اور اغواء کی شدید مذمت کرتے ہیں۔
انہوں نے مزید کہا کہ یہ امپورٹڈ حکومت اور ان کے ہینڈلرز کی طرف سے کی فسطایت ہے جو کہ صرف ان تمام لوگوں میں خوف پھیلانے کے لیے ہے جو ہماری حمایت کرتے ہیں۔
عمران خان کا کہنا تھا کہ حکومت کی جانب سے سیاسی رہنماؤں کو ہراساں کرنے، گرفتاریوں، حراستی تشدد اور اغواء کے تمام طریقے خالصتاً سیاسی انتقام کے لیے استعمال کئے جارہے ہیں۔
ان کا کہنا تھا کہ حکومت میں موجود لوگ یہ جانتے ہیں کہ وہ کوئی بھی الیکشن نہیں جیت سکتے، اس لیے ریاستی طاقت کے وحشیانہ استعمال کے ذریعے ہمیں ختم کی کوشش کر رہے ہیں۔
انہوں نے بتایا کہ حکومت کہ یہ ہتھکنڈے کام نہیں کریں گے، ان اقدامات سے ہمارا عزم مزید مضبوط ہوتا ہے۔
