چیئرمین پاکستان تحریک انصاف عمران خان نے کہا ہے کہ آج قوم آئین کی حفاظت کیلئےعدلیہ کی طرف دیکھ رہی ہے۔

تفصیلات کے مطابق سماجی رابطے کی ویب سائٹ ٹوئٹر پر چیئرمین پاکستان تحریک انصاف عمران خان نے اپنے ایک بیان میں کہا کہ ہمارے قائد جناح ایک آئین ساز تھے اور ریاست پاکستان کی ابتدا بھی آئین ہے۔

انہوں نے کہا کہ آئین کی تمہید میں واضح طور پرکہا گیا ہے کہ حاکمیت اللہ تعالیٰ کی ہے، ریاست اپنی طاقت اور اختیار کوعوام کے منتخب نمائندوں کے ذریعے استعمال کرے گی۔

Our Quaid Jinnah was a constitutionalist & genesis of the State of Pakistan is the Constitution. Preamble to the Constitution states clearly sovereignty belongs to Almighty Allah & the State “shall exercise its power & authority through the chosen representatives of the people.”

— Imran Khan (@ImranKhanPTI) February 9, 2023

ان کا کہنا تھا کہ آئین کےمطابق انتخابات میں تاخیر کرانے سے ریاست کی بنیاد ہی ٹوٹ جاتی ہے۔

Any breach of the Constitutional provision will result in application of the treason clause under Article 6.

— Imran Khan (@ImranKhanPTI) February 9, 2023

ان کا یہ بھی کہنا تھا کہ آج قوم آئین کی حفاظت کیلئےعدلیہ کی طرف دیکھ رہی ہے، آگے بڑھنے کا واحد راستہ آئینی طور پر مقررہ 90 دنوں میں انتخابات ہیں۔

چیئرمین پاکستان تحریک انصاف عمران خان نے مزید کہا کہ آئین کی خلاف ورزی پر آرٹیکل 6 کے تحت غداری کی شق کا اطلاق ہوگا۔

یہ بھی پڑھیں؛ میری جنگ ملک میں آئین کی بالادستی کے لئے ہے، عمران خان