خیبرپختونخوا کے ضلع پشاور میں واقع اسلامیہ کالج میں سیکیورٹی گارڈ نے فائرنگ کر کے پروفیسر کو قتل کردیا۔

عینی شاہدین کے مطابق چوکیدار اور پروفیسر کے درمیان تلخ کلامی ہوئی جس دوران مبینہ طور پر چوکیدار نے فائرنگ کر کے پروفیسر بشیر کو قتل کردیا تاہم پولیس نے موقع پر پہنچ کر تفتیش شروع کردی۔

پشاور: اسلامیہ کالج کے ہاسٹل میں پروفیسر کو سیکیورٹی گارڈ نے قتل کردیا#BOLNews #Peshawar pic.twitter.com/zzdKyqxW0y

— BOL Network (@BOLNETWORK) February 19, 2023

واضح رہے کہ پروفیسر بشیر اسلامیہ کالج کے انگلش ڈیپارٹمنٹ میں پڑھاتے تھے۔

اس حوالے سے اسلامیہ کالج کے ترجمان علی ہوتی نے بتایا کہ پروفیسر بشیر کا تعلق مردان سے ہے، چوکیدار کے ساتھ پروفیسر بشیر کا جھگڑا چل رہا تھا۔

علی ہوتی نے مزید کہا کہ چوکیدار نے آج دوبارہ تلخ کلامی پر مبینہ طور پر پروفیسر کو قتل کردیا اور مبینہ قاتل موقع واردات سے بھاگ گیا۔