بھارہ کہو میں زیر تعمیر پل کی شٹرنگ گرنے سے 2 مزدور جاں بحق جبکہ امدادی ٹیموں کی کارروائیاں جاری ہیں۔
تفصیلات کے مطابق اسلام آباد کے بھارہ کہو بائی پاس منصوبے کے بڑے پلر کی شٹرنگ ٹوٹنے کا واقعہ پیش آیا ہے ۔
اس حوالے سے ریسکیو حکام کا کہنا ہے کہ ٹریلر نے شٹرنگ کی سپورٹ کو ٹکر ماری جس کے باعث شٹرنگ گر گئی تاہم امدادی ٹیمیوں نے ملبے سے تین مزدوروں کو زخمی حالت میں نکال لیا ہے۔
بھارہ کہو بائی پاس منصوبے کے بڑے پلر کی شٹرنگ ٹوٹنے کا واقعہ
امدادی ٹیمیوں نے ملبے سے تین مزدوروں کو زخمی حالت میں نکال لیا ، ریسکیو حکام #BOLNews #Islamabad pic.twitter.com/Q1LmjT6P9S— BOL Network (@BOLNETWORK) February 25, 2023
حکام نے بتایا کہ تینوں مزدوروں کو پولی کلینک منتقل کردیا گیا جس کی حالت تشویشناک ہے تاہم ملبے تلے مزید مزدوروں کے پھنسے کا خدشہ ہے۔
حکام کا کہنا تھا کہ امدادی کارروائیاں جاری ہیں جلد آپریشن مکمل کر کیا جائےگا۔
ترجمان اسلام آباد کیپیٹل پولیس
ترجمان کا کہنا ہے کہ بھارہ کہو میں زیرتعمیر فلائی اوور کا پلر گرگیا ہے ، پلر گرنے سے متعدد مزدور دب گئے۔
واقعے کی اطلاع ملتے ہی پولیس کی بھاری نفری،دیگر ادارے امدادی سرگرمیوں میں مصروف ہے جبکہ 03 مزدوروں کو زخمی حالت میں نکال کر اسپتال منتقل کردیا گیا ہے۔
ترجمان نے کہا ہے کہ عوام جائے وقوع کی جانب جانے سے گریز کریں، امدادی کارروائیاں میں رکاوٹ پیدا نہ کریں۔
وفاقی وزیر داخلہ کا حادثے کا نوٹس
وفاقی وزیر داخلہ رانا ثنا اللہ خان کا بھارہ کہو میں زیر تعمیر پل کی شٹرنگ گرنے کے حادثے کا نوٹس لیتے ہوئے گہرے دکھ کا اظہار کیا ہے۔
وزیر داخلہ کی چیف کمشنر اسلام آباد کو ریسکیو آپریشن جلد سے جلد مکمل کرنے اور زخمیوں کو ہر ممکن طبی امداد فراہم کرنے کی ہدایت کی ہے ۔
وزیر داخلہ نے زخمیوں کی جلد صحتیابی کے لئے دعا بھی کی ہے۔
