بالی ووڈ فلم انڈسٹری کی مشہور و معروف اداکارہ پریانکا چوپڑا نے کہا ہے مجھے کیریئر کے 22 سال میں پہلی بار مرد اداکار جتنا معاوضہ ملا ہے۔
حال ہی میں اپنے دیے گئے ایک انٹرویو میں اداکارہ پریانکا چوپڑا کا کہنا تھا کہ انہیں شوبز میں کام کرتے ہوئے 22 سال ہو چکے ہیں اور انہوں نے اسی عرصے کے دوران 70 فلمیں اور دو ٹی وی شوز کرنے سمیت دیگر منصوبوں میں کام کیا ہے۔
View this post on Instagram
انہوں نے کہا کہ گزشتہ 22 سال کے دوران انہیں کسی بھی منصوبے میں ان کے ساتھی مرد اداکار جتنا معاوضہ نہیں ملا لیکن اب پہلی بار انہیں برابر معاوضہ دیا گیا۔
ان کا کہنا تھا کہ ’سیٹاڈل‘ وہ پہلا منصوبہ ہے جس میں کام کرنے کے انہیں اتنے ہی پیسے ملے، جتنے کہ ان کے ساتھی مرد اداکار کو ملے۔
View this post on Instagram
اداکارہ پریانکا چوپڑا نے کہا کہ مذکورہ ویب سیریز میں کام کے لیے رچرڈ میڈن اور انہیں ایک جتنا ہی معاوضہ دیا گیا اور انہیں یکساں پیسے دینے کا فیصلہ ویب سیریز کو پروڈیوس کرنے والی کمپنی میں اعلیٰ عہدوں پر بیٹھیں بعض خواتین نے ہی کیا۔
واضح رہے کہ جلد ہی اداکارہ پریانکا چوپڑا کو جاسوس ویب سیریز ’سیٹاڈل‘ میں دیکھا جائے گا۔
https://www.youtube.com/watch?v=O0JG6V-12ac
سیٹا ڈل کا ٹریلر چند دن قبل ہی ریلیز کیا گیا تھا جس میں پریانکا چوپڑا ایک جاسوس کا کردار ادا کرتی دکھائی دیں گی اور ان کے ساتھ رچرڈ میڈن مرکزی کردار میں دکھائی دیں گے۔
