صرف انسان ہی نہیں بلکہ جانور بھی اپنے بچوں کیلئے محبت کے جذبات رکھتے ہیں۔

ایسی ہی ایک ویڈیو سوشل میڈیا پر وائرل ہو گئی ہے جس میں دیکھا جاسکتا ہے کہ کیسے ہتھنی نے اپنی زندگی خطرے میں ڈال کربچے کی جان بچائی۔

وائرل ویڈیو میں دیکھا جاسکتا ہے کہ ہتھنی کا بچہ گڑھے میں گرا اور باہر نہیں نکل سکا تو ہتھنی اپنے بچے کو بچانے کیلئے اس گڑھے میں اتری لیکن بھاری وجود کی وجہ سے پھنس گئی۔

Here is the story of a team whose efforts to rescue innocent souls tell us life can be meaningful 👏 pic.twitter.com/NvKhEC7PDj

— Epic Videos (@EpicVideosOnly) February 12, 2023

  یہ دیکھ کر مقامی افراد نے ریسکیو عملے کو اطلاع دی جس نے کرین کے ذریعے دونوں ماں بچے کو گڑھے سے باہر نکالا۔

لیکن کافی وقت تک گڑھے میں پھنسے رہنے کی وجہ سے ہتھنی بےہوش ہو گئی تھی، بعد ازاں جانوروں کے ڈاکٹروں اور رضاکاروں کی ایک ٹیم نے ہتھنی کو ابتدائی طبی امداد فراہم کی جس کے نتیجے میں اسے کچھ دیر بعد ہوش آگیا۔