کرن جوہر کی فلم راکی اور رانی کی پریم کہانی، جس میں اداکار رنویر سنگھ اور اداکارہ عالیہ بھٹ مرکزی کرادر ادا کر رہے ہیں، کی تشہیری مہم روک دی گئی ہے۔
اس حوالے سے جاری رپورٹس میں بتایا گیا ہے کہ کرن جوہر، جو کہ عالیہ بھٹ کو اپنی بیٹی مانتے ہیں، نہیں چاہتے کہ اداکارہ اپنی بیٹی سے دور رہیں۔
رپورٹس میں بتایا گیا ہے کہ اداکارہ کی جانب سے اس خواہش کا اظہار کیا گیا ہے کہ زیادہ سے زیادہ وقت اپنی بیٹی راہا کے ساتھ گزارنا چاہتی ہیں اور اداکار رنویر سنگھ اکیلے فلم کی تشہیری مہم کرتے ہوئے اچھا محسوس نہیں کرینگے تاہم اس فلم کی پروموشنز ایونٹ روک دیئے گئے ہیں۔
View this post on Instagram
خیال رہے کہ گزشتہ سال اس فلم کی شوٹنگ کے دوران جب اداکارہ عالیہ بھٹ کے حاملہ ہونے کی خبر سامنے آئی تھی تو فلم کے گانے ’تم کیا ملے‘ کی شوٹنگ روک دی گئی تھی جو کہ بعد میں مکمل کی گئی ہے۔
ایک قریبی ذرائع کا کہنا ہے کہ کرن جوہر نے راکی اور رانی کی پریم کہانی کے لیے ریلیز سے پہلے کی تمام پروموشنل مہموں کو ترک کرنے کا فیصلہ کیا ہے۔
View this post on Instagram
“ذرائع نے بتایا کہ کرن نہیں چاہتے کہ عالیہ فلم کی تشہیر کے لیے اپنے بچے سے دور رہیں۔ رنویر سنگھ کو اکیلے فلم کی تشہیر کرنا اچھا نہیں لگے گا۔ اس لیے پوری تشہیری مہم کو چھوڑ دیا گیا ہے۔”
