ویر، ہاؤس فل 2، ہیٹ اسٹوری 3 اور دیگر فلموں میں نظر آنے والی بالی ووڈ اداکارہ زرین خان ڈینگی کے باعث اسپتال میں داخل ہیں۔

اس حوالے سے جاری رپورٹس کے مطابق زرین خان بھی ڈینگی کے باعث اسپتال میں داخل ہیں۔ اداکارہ کو تیز بخار ہے، جسم میں شدید درد ہو رہا ہے، اور آہستہ آہستہ صحت یاب ہو رہی ہیں۔

اداکارہ نے اپنے انسٹاگرام ہینڈل پر اپنے مداحوں کے ساتھ اپنی صحت سے متعلق اپڈیٹس شیئر کیں ہیں اور ان کی طرف سے ایک تصویر بھی شیئر کی گئی ہے۔

اس سے قبل 16 اگست کو زرین نے اپنی انسٹاگرام اسٹوری پر جوس سے بھرے گلاس کی تصویر شیئر کی تھی۔

خیال رہے کہ حال ہی میں زرین خان نے Reddit کے Ask Me Anything سیشن میں شرکت کی اور اس بات کا اظہار کیا کہ ایک بیرونی شخص ہونے کی وجہ سے ان کے لیے فلم انڈسٹری میں آنا کافی چیلنجنگ تھا۔

بالی ووڈ اداکارہ زرین خان نے سلمان خان کے ساتھ سال 2010 میں فلم ویر کے ذریعے ڈیبیو کیا جس کے بعد اداکارہ کو کئی دیگر فلموں جیسے وجہ تم ہو، ہاؤس فل 2، ریڈی، ویرپن، اکثر 2، اور 1921 جیسی فلموں میں دکھایا گیا ہے۔

ان کی آخری فلم ہم بھی اکیلے تم بھی اکیلے تھی، اور وہ عید ہو جائے گی کے نام سے ایک میوزک ویڈیو میں بھی نظر آئی تھیں، جو سال 2022 میں ریلیز ہوئی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں