فلم جوان آج 7 ستمبر کو دنیا بھر میں ریلیز ہورہی ہے، اس فلم نے دنیا بھر میں پہلے دن کی بکنگ سے 50 کروڑ روپے کمالیے ہیں، جو متوقع طور پر 52 کروڑ تک پہنچ سکتے ہیں۔
فلموں کے بزنس کے تجزیہ کار گریش کا کہنا ہے کنگ خان کی جوان دنیا بھر میں پہلے دن 100 کروڑ کا کاروبار کرسکتی ہے، ہندی سمیت دیگر زبانوں کی ریلیز سے صرف بھارت میں اس کی آمدن 60 کروڑ رہے گی۔
انہوں نے مزید کہا کہ فلم اپنی ریلیز کے پہلے ہی ہفتے میں 300 کروڑ کا ہندسہ عبور کرلے گی جبکہ شاہ رخ خان کی اس فلم میں روزانہ 100 کروڑ کمانے کا دم بھی موجود ہے۔
واضح رہےکہ جوان کو مشہور تامل ہدایت کار ایٹلی کمار نے ڈائریکٹ کیا ہے۔ اس میں شاہ رخ خان، نینتھارا، وجے سیتھوپتی، اور سانیا ملہوترا شامل ہیں۔
View this post on Instagram
اس میں دیپیکا پڈوکون کا ایک خاص کردار ہے۔ اس فلم کو گوری خان نے ریڈ چلیز کے بینر تلے پروڈیوس کیا ہے۔
جوان دنیا بھر کے تھیٹرز میں تین زبانوں ہندی، تامل اور تلگو میں ریلیز ہوگئی ہے۔
اس کے بعد سپر اسٹار راجکمار ہیرانی کی کامیڈی ڈرامہ ڈنکی میں نظر آئیں گے۔ فلم دسمبر میں کرسمس کے ہفتے کے دوران ریلیز کی جائے گی۔
View this post on Instagram
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
