کینیڈین پنجابی گلوکار شوبنیت سنگھ عرف شوبھ کو کنسرٹ منسوخ کرنے کی دھمکیاں مل رہی ہیں۔
بھارتی میڈیا رپورٹس کے مطابق بھارتیہ جنتا یووا مورچہ (بی جے وائی ایم) بھارتی نژاد کینیڈین گلوکار کے کنسرٹ کو خالصتانی عناصر کی حمایت کرنے پر منسوخ کروانا چاہتی ہے۔
رپورٹ میں بتایا گیا کہ شوبنیت سنگھ نے کچھ عرصہ قبل بھارتی نقشے کی ایک تصویر اپنے انسٹاگرام پر شیئر کی تھی جس میں ریاست پنجاب اور ہریانہ کو سیاہ رنگ میں دکھایا گیا تھا اور ساتھ پنجاب کے لئے دعا کرنے کا کہا گیا تھا۔
تاہم بھارتیہ جنتا یووا مورچہ (بی جے وائی ایم) کے صدر تاجندر سنگھ ٹوانہ گلوکار کے بھارتیہ دورے کو منسوخ کرنے کا مطالبہ کردیا۔
ان کے مطابق خالصتان کی حمایت کرنے والوں کی بھارت میں کوئی جگہ نہیں، یہ ملک کی سالمیت اور اتحاد کے دشمن ہیں۔ ہم شوبھ کو ممبئی میں پرفارم کرنے کی اجازت نہیں دیں گے۔
انہوں نے مزید کہا کہ اگر گلوکار کے خلاف کوئی مناسب کارروائی نہیں کی گئی تو منتظمین کو ہماری مخالفت کا سامنا کرنا پڑے گا۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
