پاکستانی شوبز انڈسٹری کی سینئر اداکارہ فضیلہ قاضی نے سوشل میڈیا پر اپنے نام سے گردش کرنے والے ایک بیان کی تردید کرتے ہوئے اسے جعلی قرار دے دیا۔
اداکارہ نے انسٹاگرام پر جاری ویڈیو پیغام میں واضح کیا کہ سوشل میڈیا پر مجھ سے منسوب کی جانے والی پوسٹس کا مجھ سے کوئی تعلق نہیں بعض غیر مستند پیجز نے میرے نام اور تصویر کے ساتھ غلط مواد شیئر کیا ہے۔
فضیلہ قاضی نے کہا کہ جھوٹی پوسٹس شیئر کرنے والے سوشل میڈیا پیجز کے خلاف قانونی کارروائی کا حق محفوظ رکھتی ہوں اگر مذکورہ پوسٹس فوری طور پر حذف نہ کی گئیں تو متعلقہ پیجز کو قانونی نوٹس جاری کیا جائے گا۔
View this post on Instagram
اداکارہ نے سوشل میڈیا صارفین سے بھی اپیل کی کہ میرے نام سے منسوب کسی بھی بیان پر فوری یقین نہ کریں۔ سوشل میڈیا پر موجود ہر بات سچ نہیں ہوتی اور صارفین کو غیر مصدقہ مواد کو فلٹر کرنا سیکھنا چاہیے۔
فضیلہ قاضی نے اپنی انسٹاگرام اسٹوری پر بھی زیرِ گردش پوسٹ شیئر کرتے ہوئے اسے جعلی قرار دیا اور صارفین سے ایسے غیر مستند پیجز کو رپورٹ کرنے کی درخواست کی۔
اداکارہ نے ویڈیو کے کیپشن میں بھی واضح کیا کہ میں نے نہ تو زیرِ گردش پوسٹ میں موجود الفاظ لکھے اور نہ ہی کبھی ایسے الفاظ کہے ہیں لہٰذا صارفین اس پوسٹ کو نظر انداز کریں۔
