پاکستان شوبز انڈسٹری کی مشہور و معروف اداکارہ سونیا حسین نے ایوارڈز تقریب میں شرکت نہ کرنے کی وجہ بتادی ہے۔
رواں برس کے لکس اسٹائل ایوارڈز کی تقریب 6 اکتوبر کو کراچی میں ہوئی تھی اور اس بار سونیا حسین کو ان کی فلم ’ٹچ بٹن‘ کے لیے بہترین اداکارہ کے طور پر نامزد بھی کیا گیا تھا لیکن اس باوجود وہ ایوارڈز تقریب میں شریک نہیں ہوئیں۔
View this post on Instagram
ایوارڈز تقریب میں شرکت نہ کرنے کے بعد سونیا حسین نے حال ہی میں اپنے دیے گئے ایک انٹرویو میں بتایا کہ ایوارڈز تقریب میں منفرد لباس، فیشن اور اسٹائل کرنے والے ہر اداکار اور اداکارہ کی اپنی مرضی ہوتی ہے، اس لیے جسے جو چیز اچھی لگتی ہے، وہ وہی کرتا ہے اور ان پر اعتراضات فضول ہوتے ہیں۔
انہوں نے کہا کہ اگر انہیں کسی ایک اداکارہ کو ایوارڈ دینے کا موقع ملے تو وہ سجل علی کو دیں گی جبکہ اداکاروں میں وہ نعمان اعجاز کا انتخاب کریں گی۔
View this post on Instagram
ان کا کہنا تھا کہ وہ ایوارڈز تقریب میں نہیں جاتیں کیونکہ وہاں جانے کا کوئی فائدہ نہیں ہوتا، باقی ایوارڈز میں عام طور پر وہ لوگ جا رہے ہوتے ہیں، جنہیں ایوارڈز مل رہے ہوتے ہیں یا پھر وہ شخصیات جاتی ہیں، جنہیں تیار ہونے اور بناؤ سینگار کرنے کا شوق ہوتا ہے۔
اداکارہ سونیا حسین کے مطابق اس بار اگرچہ وہ فلم کی بہترین اداکارہ کے طور پر نامزد بھی ہوئی تھیں لیکن اس باوجود وہ ایوارڈز تقریب میں نہیں گئیں۔
View this post on Instagram
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
