اسلام آباد: پاکستان اور سعودی عرب نے سرمایہ کاری کے طریقوں پر اتفاق رائے پا لیا ہے جس سے خلیج تعاون کونسل کے ساتھ آزاد تجارتی معاہدے کی توثیق کی راہ ہموار ہو گئی ہے۔
اس بات کا اعلان نگران وزیر اطلاعات و نشریات مرتضیٰ سولنگی نے سوشل میڈیا پلیٹ فارم (ایکس) پر اپنے ایک ٹوئٹ میں کیا جس میں انہوں نے لکھا کہ پاکستان اور سعودی عرب سرمایہ کاری کے طریقوں پر اتفاق رائے تک پہنچ گئے ہیں، جس سے خلیج تعاون کونسل کے ساتھ آزاد تجارتی معاہدے کی توثیق کی راہ ہموار ہو گئی ہے، جو کہ گزشتہ 19 سالوں سے زیر التوا ہے۔
Pakistan and Saudi Arabia have reached a consensus on the investment modalities, paving the path for the ratification of a much-awaited free trade agreement with the Gulf Cooperation Council, a development that has been pending for the last 19 years.
If approved, this will mark…— Murtaza Solangi (@murtazasolangi) December 3, 2023
انہوں نے امید ظاہر کی کہ اگر منظوری مل جاتی ہے تو یہ پہلا تجارتی اور سرمایہ کاری کا معاہدہ ہو گا جو جی سی سی نے پاکستان کے ساتھ گزشتہ 15 سالوں میں کیا ہے۔
دوسری جانب وزیر تجارت و صنعت ڈاکٹر گوجر اعجاز نے سوشل میڈیا پلیٹ فارم (ایکس) پر اپنے ایک ٹوئٹ میں کہا تھا کہ خلیج تعاون کونسل کے آزاد تجارتی معاہدے کے سرمایہ کاری سے متعلقہ حصے کو حتمی شکل دینے کے لیے سعودی عرب میں ان کی نتیجہ خیز بات چیت ہوئی ہے۔
انہوں نے اس یقین کا اظہار کیا تھا کہ یہ معاہدہ پاکستان اور جی سی سی کے درمیان اقتصادی تعلقات کو مضبوط کرے گا اور تجارت اور سرمایہ کاری کے نئے مواقع کو فروغ دے گا۔
