نامور اداکارہ سجل علی پاکستان کے ساتھ ساتھ بھارت میں بھی اپنی فنکارانہ صلاحیتوں ، پرکشش شخصیت اور انداز کی وجہ سے مشہور ہیں۔
سجل علی کا نام پاکستان شوبز انڈسٹری میں کسی تعرف کا محتاج نہیں وہ ایک خوبصورت ماڈل اور انتہائی باصلاحیت اداکارہ ہیں جنہوں نے کئی سپر ہٹ ڈراموں اور فلموں میں اپنی بہترین اداکاری سے اپنے آپ کو منوایا ہے۔
سجل علی آنگن، یقین کا سفر، یہ دل میرا، صنف آہن، عشق لا اور کچھ ان کہی جیسے ہٹ ڈراموں میں اپنی غیر معمولی اداکاری کے لیے بے حد شہرت رکھتی ہیں۔
دس ملین سے زائد انسٹاگرام پر فالوورز کی حامل اداکارہ نے پاکستان کے ساتھ ساتھ بالی وڈ فلم ’مام‘ میں بھی نامور لیجنڈری آنجہانی اداکارہ سری دیوی کے مدمقابل کام کرکے خوب داد سمیٹی۔
View this post on Instagram
سجل علی نے حال ہی میں ایک انٹرویو میں انکشاف کیا کہ انہیں ہالی وڈ سے فلم میں مرکزی کردار کی پیشکش کی گئی تھی لیکن انہوں نے اس میں کام کر نے سے انکار کر دیا۔
سجل علی نے انکار کی وجہ بتاتے ہوئے کہاکہ ہالی وڈ کے ایک بڑے پراجیکٹ کے لیے مجھ سے رابطہ کیا گیا تھا، فلم کی کہانی کافی دلچسپ تھی لیکن اس میں ایک بولڈ سین تھا جسے میں نہیں کرسکتی تھی۔
اداکارہ نے وضاحت دیتے ہوئے کہاکہ اگر میں کسی طرح وہ سین عکسبند کروا بھی دیتی تو میرے مداح اور ملک کے لوگ ہمیشہ مجھے اس سین سے منسلک کرتے اور میں یوں انہیں مایوس نہیں کرنا چاہتی تھی۔
View this post on Instagram
یہ بھی پڑھیں: سجل علی کی ’لفظ کی طاقت‘ سے متعلق پوسٹ توجہ کا مرکز بن گئی
واضح رہے کہ گزشتہ برس مارچ سے سجل علی اور اداکار احد رضا میر کی علیحدگی کی خبریں سوشل میڈیا پر گردش کر رہی ہیں لیکن دونوں کی جانب سے فی الحال طلاق کے حوالے سے کسی قسم کا کوئی بیان سامنے نہیں آیا۔
