دوران میچ حسن علی کی شائقین کے ہمراہ ورزش کی ویڈیو وائرل ہوگئی۔

پاکستان اور آسٹریلیا کی ٹیموں کے درمیان میلبرن میں ٹیسٹ سیریز کا دوسرا میچ جاری ہے جس کے تیسرے دن کا کھیل اختتام پذیر ہوگیا ہے۔

دن کے اختتام تک آسٹریلیا نے دوسری اننگز میں 6 وکٹوں کے نقصان پر 187 رنز اسکور کرلیے ہیں جب کہ انہیں پاکستان پر 241 رنز کی برتری حاصل ہے۔

دورانِ میچ قومی فاسٹ بولر حسن علی اپنی مستیوں سے باز نہ آئے اور شائقین کے ہمراہ ان کی ورزش کی ویڈیو وائرل ہوگئی۔

Get your body moving with Hasan Ali! #AUSvPAK pic.twitter.com/8Y0ltpInXx

— cricket.com.au (@cricketcomau) December 28, 2023

ویڈیو میں دیکھا جاسکتا ہے کہ جب حسن علی فیلڈنگ کے لیے باؤنڈری لائن پر آئے تو شائقین نے ان کا استقبال کیا جس کا جواب انہوں نے بھی ہاتھ ہلاکر دیا۔

جب حسن علی نے وزرش شروع کی تو شائقین نے بھی ان کا خوب ساتھ دیا جو شائقین اور کھلاڑیوں کے درمیان خوشگوار ماحول کی نشاندہی کرتا ہے۔