اسلام آباد: فیض آباد دھرنا کمیشن نے سابق وزیر اعظم شہباز شریف کو طلب کر لیا ہے۔

ذرائع کے مطابق فیض آباد دھرنا کمیشن نے مسلم لیگ (ن) کے صدر اور سابق وزیراعظم شہباز شریف کو 3 جنوری کو بیان قلمبند کروانے کے لیے طلب کیا ہے۔

فیض آباد دھرنا کمیشن نے شہباز شریف کو طلب کر لیا، ذرائع
براہِ راست دیکھیں: https://t.co/w7GLQEhGrd#BOLNews #ShehbazSharif pic.twitter.com/h5TZJxx86D

— BOL Network (@BOLNETWORK) January 1, 2024

ذرائع نے بتایا ہے کہ شہباز شریف کو سابق وزیراعلیٰ پنجاب کی حیثیت سے کمشن میں طلب کیا گیا ہے جبکہ کمیشن نے فیض آباد دھرنے سے متعلق شہباز شریف کے لیے سوالنامہ بھی تیار کر لیا ہے۔

واضح رہے کہ انکوائری کمیشن نے اپنی رپورٹ 22 جنوری کو سپریم کورٹ میں جمع کرانی ہے، تاہم اس سے قبل کمیشن نے سابق وزیر احسن اقبال، سابق وزیر اعظم شاہد خاقان عباسی کو بھی طلب کیا تھا جبکہ سابق ڈی جی آئی ایس آئی لیفٹیننٹ جنرل (ر) فیض حمید کمیشن میں طلبی کے باوجود پیش نہ ہوئے جس پر انہیں دوسرا نوٹس جاری کیا گیا ہے۔