بنگلادیش پریمیئر لیگ کے دوران ایک میچ میں قومی ٹیم کے آل راؤنڈر شعیب ملک نے ایک اوور میں 3 نوبالز کرواکر نیا تنازع کھڑا کردیا۔
پاکستان کرکٹ ٹیم کے سابق کپتان شعیب ملک نے حال ہی میں اداکارہ ثنا جاوید سے شادی کی اور انہوں نے اچانک سے اپنی شادی سے متعلق سوشل میڈیا پر اعلان کیا جس نے سب کو دنگ کردیا۔
پاکستانی آل راؤنڈر شعیب ملک نے پی بی ایل کے ایک میچ میں ایک اوور میں 3 نوبالز کروا دیں۔ یہ واقعہ کھلنا ٹائیگرز اور فورچون بریشال کے میچ میں پیش آیا۔
فورچون بریشال کے اسپنر نے اوور میں 18 رنز دیے، اس پر شائقین کرکٹ نے سوشل میڈیا پر خاصے دلچسپ تبصرے کیے۔
خیال رہے کہ شعیب ان دنوں اپنی دوسری شادی اور بھارتی ٹینس اسٹار ثانیہ مرزا سے علیحدگی کی وجہ سے بھی خبروں کی زینت بنے ہوئے ہیں تاہم اس حوالے سے ان کی اہلیہ بھارتی ٹینس اسٹار ثانیہ مرزا نے اب تک کوئی بیان جاری نہیں کیا۔
دوسری جانب بنگلادیش پریمیئر لیگ کے دوران ہی پاکستان کے سابق آل راؤنڈر شعیب ملک نے ٹی ٹوئنٹی کرکٹ کا نہایت اہم ریکارڈ اپنے نام کر لیا ہے، وہ ٹی ٹوئنٹی فارمیٹ میں 13 ہزار رنز بنانے والے پہلے کھلاڑی بن گئے ہیں۔
شعیب ملک کی اہلیہ اداکارہ ثنا جاوید نے اپنے انسٹاگرام اکاؤنٹ پر اسٹوری پوسٹ کی ہے جس میں لکھا ہے کہ ”ماشااللہ! مجھے آپ پر بہت فخر ہے“۔
