جنوری 2023 میں، شاہ رخ خان نے آدتیہ چوپڑا کی پروڈیوس کردہ YRF اسپائی یونیورس فلم، پٹھان، جس کی ہدایت کاری سدھارتھ آنند نے کی تھی، کے ساتھ اپنے گیئرز کو ایکشن موڈ پر منتقل کیا تھا۔
فلم میں کنگ خان مرکزی کردار ادا کرتے ہوئے جبکہ دیپیکا پڈوکون اور جان ابراہم کو بھی اہم کرداروں میں دیکھا گیا تھا۔
فلم پٹھان کا اختتام شاہ رخ خان کے اسٹائلش اسپائی اوتار میں واپس آنے کے وعدے کے ساتھ ہوا تھا جس نے مستقبل میں برائیوں سے لڑنے کے لیے ایجنٹس کی ایک نئی ٹیم تشکیل دی تھی۔
View this post on Instagram
اس حوالے سے ایک خصوصی رپورٹ کے مطابق شاہ رخ خان بطور پٹھان اسکرین پر اپنی واپسی کے لیے بالکل تیار ہیں جس کی شوٹنگ کا آغاز سال 2024 کے آخر میں ہوگا۔
رپورٹ میں بتایا گیا ہے کہ پٹھان 2 کے متعلق منصوبہ بندی گزشتہ سال سے جاری ہے اور اس فلم کے ساتھ ہی ’ ٹائیگر بمقابلہ پٹھان ‘ کا باضابطہ اعلان کیا جائیگا ۔
خیال رہے کہ شاہ رخ خان بطور پٹھان یقینی طور پر ایک ایسا کردار ہے جس کو سامعین نے پسند کیا ہے، اور سامعین کی جانب سے مسلسل کنگ خان کو جاسوس اوتار میں دیکھنے کا مطالبہ کیا جا رہا ہے۔
