پاکستان شوبز انڈسٹری کی مشہور و معروف اداکارہ جویریہ سعود نے کہا ہے کہ ہمارے معاشرے میں گھر کے مرد ہی عورت کی کامیابی کا زینہ بنتے ہیں۔
حال ہی میں اپنے دیے گئے ایک انٹرویو میں اداکارہ جویریہ سعود کا کہنا تھا کہ ہمارے معاشرے میں اگر کوئی عورت کامیاب ہوتی ہے تو اس کی پہلی بنیاد اس کے گھر سے ہی شروع ہوتی ہے خصوصاً اس کے گھر کے مردوں سے۔
View this post on Instagram
انہوں نے کہا کہ جب میں نے اپنے کیرئیر کا آغاز کیا تو میرے والد اور بھائی نے مجھے بہت سپورٹ کیا اور آج میں جو کچھ ہوں اس میں ان کا بہت اہم کردار ہے۔
ان کا کہنا تھا کہ کہ سعود سے شادی سے قبل میں صرف اداکارہ تھی، یہ سعود تھے جنہوں نے احساس دلایا کہ مجھ میں دیگر صلاحیتیں بھی موجود ہیں۔
جویریہ سعود نے کہا کہ سعود نے مجھے لکھنے کی طرف مائل کیا تو ڈرامے لکھنے شروع کئے اور وہ سب کیا جو ہمیشہ سے کرنا چاہتی تھی لیکن ہمت نہیں تھی کبھی کرنے کی۔
View this post on Instagram
اداکارہ کا کہنا تھا کہ عورت دنیا میں چاہئے جتنی بھی کامیاب ہوجائے اگر اس کے اہلِ خانہ اس کی خوشی میں خوش نہیں ہیں تو اس کی خوشی ہمیشہ ادھوری ہی رہتی ہے۔
