پاکستان کے مشہور و معروف گلوکار ساحر علی بگا نے علی ظفر کے کہنے پر عالمی شہرت یافتہ قوال و موسیقار راحت فتح علی خان کے خلاف کی گئی پوسٹ ڈیلیٹ کردی۔
دو روز قبل گلوکار ساحر علی بگا نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر راحت فتح علی خان کے خلاف ایک پوسٹ کی تھی جس میں انہوں نے قوال و موسیقار کو “منافق” قرار دیا تھا۔
پوسٹ میں ساحر علی بگا کا کہنا تھا کہ راحت فتح علی خان درندہ صفت ہونے کے ساتھ ساتھ منافق بھی ہیں، منافق پر خدا کی لعنت ہو۔
اسی دوران، پاکستان کے معروف گلوکار علی ظفر نے سوشل میڈیا پر ساحر علی بگا کے نام ایک پوسٹ جاری کی جس میں اُنہوں نے کہا کہ پیارے بھائی ساحر علی بگا! میں آپ سے درخواست کرتا ہوں کہ مہربانی کرکے بابرکت اور صبر والے مہینے رمضان کا احترام کریں۔
View this post on Instagram
علی ظفر کا کہنا تھا کہ آپ اپنی زبان کی حفاظت کریں اور دوسروں کی ذات کے بارے میں خود سے کوئی فیصلہ نہ کریں کیونکہ ہم سب میں ہی کوئی نہ کوئی خامی ہے۔
گلوکار نے مزید کہا کہ اللہ تعالیٰ ہمیں اپنی رحمت سے نوازے اور ہم سب پر سلامتی ہو، آمین۔
علی ظفر کی اس پوسٹ کے جواب میں ساحر علی بگا نے طنزیہ انداز میں کہا کہ شکریہ علی ظفر! میں رمضان المبارک کے دوران کسی شخصت کے بارے میں سچائی ظاہر کرنے پر معذرت خواہ ہوں، میں اب پوسٹ ڈیلیٹ کر رہا ہوں۔
View this post on Instagram
ساحر علی بگا نے اپنے سوشل میڈیا اکاؤنٹ سے یہ پوسٹ ڈیلیٹ کردی لیکن اُن کی پوسٹ کا اسکرین شاٹ سوشل میڈیا پر خوب وائرل ہورہا ہے۔
