بھارت کی مشہور و معروف اداکارہ حنا خان کینسر کے مرض میں مبتلا ہوگئیں۔
حال ہی میں اداکارہ حنا خان نے سوشل میڈیا پر پوسٹ شیئر کرتے ہوئے چھاتی کے کینسر میں مبتلا ہونے کی تصدیق کی۔
انہوں نے اپنی پوسٹ میں لکھا کہ’ افواہوں کے پیشِ نظر تمام لوگ جو مجھ سے محبت کرتے ہیں اور میرا خیال کرتے ہیں انہیں یہ بتانا چاہتی ہوں کہ مجھے اسٹیج تھری کے چھاتی کے سرطان کی تشخیص ہوئی ہے‘۔
ان کا کہنا تھا کہ اس تکلیف دہ بیماری کے باوجود میں یقین دلانا چاہتی ہوں کہ میں بہتر ہوں، مضبوط ہوں اور بیماری سے نمٹنے کیلئے پرعزم بھی ہوں۔
View this post on Instagram
حنا خان نے کہا کہ میرا علاج شروع ہو چکا ہے، میں اس بیماری کو شکست دینے کیلئے تیار ہوں، مجھے یقین ہے میں اپنے پیاروں، فیملی اور دوستوں کے ساتھ، اللہ تعالیٰ کے کرم سے کینسر کو شکست دے کر مکمل صحتیاب ہو جاؤں گی۔
اداکارہ نے اپنی پوسٹ میں مداحوں سے ان کی رازداری کا احترام کرنے کی درخواست کی، ساتھ ہی اپنے دوستوں اور مداحوں سے جلد صحتیابی کے لیے دُعاؤں کی اپیل بھی کی۔
