وزیراعلٰی پنجاب مریم نوازنے حکم دیا ہے کہ سرکاری نرخ سے زیادہ وصول کرنے والوں کے خلاف کارروائی کی جائے۔
وزیراعلیٰ پنجاب مریم نوازکی زیرصدارت ملتان ایئرپورٹ پراجلاس منعقد کیا گیا۔ اجلاس میں ملتان ڈویژن میں جاری ترقیاتی منصوبوں پرپیشرفت کا جائزہ لیاگیا۔
اجلاس کے دوران وزیراعلیٰ پنجاب کوجاری پراجیکٹس، امن وامان کی صورتحال پربریفنگ دی گئی۔ وزیراعلیٰ پنجاب نے ملتان ڈویژن میں عوام دوست سیل کاؤنٹرزکوسراہا۔
وزیراعلیٰ نے ملتان ڈویژن میں سیوریج اورصفائی کی شکایات کوحل کرنے کا حکم دیتے ہوئے کہا کہ قیمتوں کوکنٹرول کرنے میں کوتاہی برداشت نہیں کی جائے گی۔
وزیراعلیٰ پنجاب مریم نوازنے کہا کہ افسران کو بھرپورمانیٹرنگ کریں، سرکاری نرخ سے زیادہ وصول کرنے والوں کے خلاف کارروائی کی جائے۔
مریم نوازنے مزید کہا کہ شہریوں کے مسائل کے حل کیلئے کھلی کچہریاں لگائی جائیں، امن وامان کی صورتحال کو مزید بہتربنانے پرتوجہ دی جائے۔
