امریکی صدر ڈونلڈ ٹرمپ نے ایران کی جانب سے پیش کی گئی سات روزہ جنگ بندی کی تجویز مسترد کردی ہے۔
امریکی اخبار وال اسٹریٹ جرنل کی رپورٹ کے مطابق صدر ٹرمپ نے اپنے مشیروں سے کہا ہے کہ نومبر میں ہونے والے وسط مدتی انتخابات کے بعد ایران کے خلاف دوبارہ فوجی کارروائی کی جا سکتی ہے۔
رپورٹ میں دعویٰ کیا گیا ہے کہ ٹرمپ کو فی الحال یقین نہیں کہ تہران امریکا کے مطالبات تسلیم کرے گا تاہم امریکی حکام کے مطابق مستقبل میں صدر کا مؤقف تبدیل ہونے کا امکان موجود ہے، ممکنہ طور پر دوبارہ کیے جانے والے حملوں کی نوعیت اور شدت کے بارے میں بھی حتمی فیصلہ واضح نہیں۔
وال اسٹریٹ جرنل کے مطابق ایران کی جنگ بندی کی تجویز میں آبنائے ہرمز کو دوبارہ کھولنے اور جوہری مذاکرات بحال کرنے کے بدلے امریکا سے ایرانی بندرگاہوں کی ناکہ بندی ختم کرنے کا مطالبہ شامل تھا۔
واضح رہے کہ اس سے قبل ایرانی وزیر خارجہ نے بھی جنگ بندی کی پیشکش کی تھی۔
