پاکستان کے معروف گلوکار عاصم اظہر نے اپنی منگنی اور نکاح سے متعلق سوشل میڈیا پر گردش کرنے والی خبروں پر خاموشی توڑ دی ہے۔
حال ہی میں سوشل میڈیا پر عاصم اظہر کی چند تصاویر وائرل ہوئیں جن میں گلوکار کو شیروانی پہنے دیکھا گیا۔ اس کے علاوہ اداکار یاسر حسین اور عاصم اظہر کو ایک ساتھ ڈانس کرتے ہوئے بھی دیکھا گیا۔
ان تصاویر اور ویڈیوز کے سامنے آنے کے بعد سوشل میڈیا صارفین میں چہ مگوئیاں شروع ہوگئیں کہ گلوکار نے کسی نجی تقریب میں منگنی یا نکاح کرلیا ہے۔
View this post on Instagram
تاہم اب عاصم اظہر نے انسٹاگرام پوسٹ کے ذریعے ان افواہوں پر ردعمل دیا اور مداحوں سے وعدہ کرتے ہوئے کہا کہ سب کو بتادوں گا شادی کی ٹینشن نہیں لیں۔
دوسری جانب مختلف میڈیا رپورٹس کے مطابق عاصم اظہر نے ایک موبائل فون کمپنی کے اشتہار میں کام کیا ہے جس کا پرومو بھی جاری کیا گیا۔ اس پرومو میں شادی کی تقریب کا منظر دکھایا گیا ہے جس کے باعث مداحوں میں ان کی شادی سے متعلق قیاس آرائیاں مزید بڑھ گئیں۔
واضح رہے کہ عاصم اظہر اکثر اپنی شادی سے متعلق خبروں اور افواہوں کے باعث سوشل میڈیا پر توجہ کا مرکز بنے رہتے ہیں۔
View this post on Instagram















