لاہور ہائی کورٹ میں نئے تعینات ہونے والے 9 نئے ایڈیشنل ججز نے اپنے عہدوں کا حلف اٹھا لیا۔
ایڈیشنل ججز کی حلف برادری کی تقریب لاہور ہائیکورٹ کے کامن ہال میں منعقد ہوئی جس میں چیف جسٹس عالیہ نیلم نے 9 نئے ایڈیشنل ججز سے حلف لیا۔
جسٹس حسن نواز مخدوم، جسٹس ملک وقار حیدر اعوان، جسٹس سردار اکبر علی اور جسٹس ملک جاوید اقبال وینس نے بطور جج حلف اٹھایا۔
تقریب میں جسٹس سید احسن رضا کاظمی، جسٹس محمد جواد ظفر، سابق ایڈووکیٹ جنرل پنجاب جسٹس خالد اسحاق نے بھی اپنے عہدوں کا حلف اٹھالیا۔
اس کے علاوہ حلف اٹھانے والوں میں جسٹس ملک محمد اویس خالد اور جسٹس چوہدری سلطان محمود شامل تھے۔
یاد رہے کہ نئے ایڈیشنل ججز کے حلف لینے کے بعد لاہور ہائی کورٹ کے ججز کی تعداد بڑھ کر 43 ہوگئی۔
