پاکستانی ٹک ٹاکر عدنان ظفر عرف کین ڈول نے عمرے کی سعادت حاصل کرلی ہے۔

حال ہی میں ٹک ٹاکر عدنان ظفر نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر کچھ تصاویر اور ویڈیوز پوسٹ کیں جس میں انہوں نے مداحوں کو یہ خبر دی کہ انہوں نے عمرے کی سعادت حاصل کرلی ہے۔

انہوں نے شیئر کی گئی تصاویر اور ویڈیوز کے کیپشن میں لکھا کہ “دونوں مقدس مقامات کا موسم جادوئی تھا”۔

ان کا کہنا تھا کہ “میں آسمانوں سے بارش برسنے اور دنیا کے دو خوبصورت ترین مقامات آنکھوں کے سامنے ہونے کا احساس بیان نہیں کر سکتا”۔

عدنان ظفر کی پوسٹ پر مداحوں کی جانب سے نیک تمناؤں کے اظہار کا سلسلہ جاری ہے۔

یہ بھی پڑھیں: پاکستانی کین ڈول نے اپنی ناک کی قیمت بتا دی

یاد رہے کہ عدنان ظفر عرف پاکستانی کین ڈول کو پاکستان شوبز انڈسٹری کے ابھرتے اداکار خوشحال خان کا ہمشکل قرار دیا جاتا ہے۔

واضح رہے کہ 1961ء میں فکشنل کردار کین ڈول کو متعارف کروایا گیا تھا جو اب عدنان ظفر عرف پاکستانی کین ڈول نے سرجری کروا کر روپ دھارا ہوا ہے۔