پاکستان کی معروف گلوکارہ آئمہ بیگ نے بالی ووڈ کی لیجنڈری اداکارہ ریکھا جی کا انداز اپنایا جس کی ویڈیو سوشل میڈیا پر وائرل ہو گئی ہے۔
حال ہی میں پاکستان کی معروف گلوکارہ آئمہ بیگ نے اپنے انسٹاگرام اکاؤنٹ پر ایک ویڈیو پوسٹ کی ہے جسے مداحوں کی جانب سے خوب پسند کیا جارہا ہے۔
شیئر کی گئی ویڈیو میں معروف گلوکارہ آئمہ بیگ مہندی حسن کی مشہور غزل” مجھے تم نظر سے گراتو رہے ہو” گا رہی ہیں۔
یہ بھی پڑھیں: مجھے اپنی زندگی میں کسی مرد کی ضرورت نہیں، گلوکارہ آئمہ بیگ
View this post on Instagram
ویڈیو کے کیپشن میں معروف گلوکارہ آئمہ بیگ نے لکھا ہے کہ ’ جب ڈیزائنر کی جانب سے ماضی کا ایک کلپ دیکھایا گیا، جس میں ریکھا جی بی بی سی کو انٹرویو دے رہی ہیں اور اس دوران میزبان کی فرمائش پر مہدی حسن کی مشہور زمانہ غزل “مجھے تم نظر سے گرا تو رہے ہو” گنگنا کر سنا رہی ہیں ‘۔
انہوں نے لکھا کہ ’ اسے دیکھتے ہی مجھے یہ ٹریک اتنا پسند آیا کہ پوری شوٹ کے دوران صرف یہ ہی غزل لوپ پر چلتی رہی اور ڈیزائنر کی ٹیم نے اسے بہت خوبصورت انداز میں عکس بند کیا ‘۔
یہ بھی پڑھیں: حالیہ تنازع سے میرے والد کی صحت پر برے اثرات پڑے، آئمہ بیگ
واضح رہے کہ “مجھے تم نظر سے گرا تو رہے ہو” استاد مہدی حسن کی گائی ہوئی مشہور زمانہ غزل ہے جو 1967 میں ریلیز ہونے والی پاکستانی فلم “دوراہا” میں اداکار وحید مراد پر فلمائی گئی تھی۔
اس سے قبل گلوکارہ نے فوٹو اینڈ ویڈیو شئیرنگ ایپ انسٹا گرام پر چند تصاویر پوسٹ کی تھیں۔
View this post on Instagram
شئیر کی گئی تصاویر میں آئمہ بیگ کو گلابی اور ہرے رنگ کے مشرقی لباس میں دیکھا گیا تھا جس میں وہ بے حد پیاری لگ رہی تھیں۔
واضح رہے کہ گلوکارہ آئمہ بیگ سوشل میڈیا پر کافی متحرک نظر آتی ہیں اور اکثر اپنی تصاویر اور ویڈیوز شیئر کرتی رہتی ہیں جس کو مداحوں کی جانب سے خوب پسند بھی کیا جاتا ہے۔
View this post on Instagram
