بھارتی کرکٹر کے ایل راہول اور اداکارہ اتھیا شیٹی کی ہلدی کی تقریب کی تصاویر سوشل میڈیا پر وائرل ہو گئی ہیں۔
حال ہی میں بھارتی کرکٹر کے ایل راہول نے اپنے انسٹاگرام اکاؤنٹ پر اپنی شادی کے مختلف فنکشنز کی تصاویر پوسٹ کی ہیں جنہیں مداحوں کی جانب سے خوب پسند کیا جارہا ہے۔
یہ بھی پڑھیں؛ اتھیا شیٹی اور کے ایل راہول کی سنگیت کی تصاویر لیک ہو گئیں
شیئر کی گئی تصاویر میں بھارتی کرکٹر کے ایل راہول اور اداکارہ اتھیا شیٹی کو ایک دوسرے کو ہلدی لگاتے ہوئے دیکھا جاسکتا ہے۔
تصاویر میں ہلدی کے شاندار وینیو کو دیکھا جاسکتا ہے جسے گیندے کے پھولوں سے سجا گیا ہے۔
یاد رہے کہ کے ایل راہول اور اتھیا کی شادی کی تقریبات کا آغاز 21 جنوری سے ہوا تھا جب کہ شادی 23 جنوری کو ہوئی۔
یہ بھی پڑھیں؛ اتھیا شیٹی کا عروسی لباس کتنے دنوں میں تیار کیا گیا؟
راہول اور اتھیا نے سنیل شیٹی کے کھنڈالہ کے گھر میں شادی کی جس میں رشتہ داروں سمیت بھارتی کرکٹرز اور چند اداکاروں نے شرکت کی۔
