پاکستان شوبز انڈسٹری کی مشہور و معروف اداکارہ مریم نفیس کے شوہر امان احمد کو ڈاکوؤں نے گن پوائنٹ پر لوٹ لیا۔
حال ہی میں اداکارہ مریم نفیس نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر ایک اسٹوری پوسٹ کی جس میں انہوں نے مداحوں کو یہ افسوسناک خبر دی کہ اُن کے شوہر کو ڈاکوؤں نے لوٹ لیا۔
View this post on Instagram
مریم نفیس نے اسٹوری میں واقعے کی تفصیلات لکھیں اور بتایا کہ “ایک اذیت ناک رات گزر جانے کے بعد میں اس بات کو مزید اپنے اندر نہیں رکھ سکتی، میرے شوہر کو گزشتہ شام شوٹ سے واپس آتے ہوئے لوٹ لیا گیا”۔
انہوں نے اسٹوری میں لکھا کہ “یہاں فکر مند ہونے کی وجہ چھینی گئی اشیاء نہیں بلکہ صدمہ ہے جس سے ہمیں گزرنا پڑا، یہ سوچ کہ کسی نے امان کے سر پر بندوق رکھی، یہ اس سمیت ہم سب کے لیے ایک صدمے جیسی ہے”۔
یہ بھی پڑھیں: شادی کا عمر سے کوئی تعلق نہیں، اداکارہ مریم نفیس
انہوں نے لکھا کہ “یہ شہر کتوں کے پاس جاچُکا ہے، لوگ ہر طرف اور ہر جگہ لٹ رہے ہیں، لوگوں کو ہولناک ٹریفک جام میں لوٹا جارہا ہے اور کوئی بھی اس کی دیکھ بھال نہیں کر رہا، یہ سب بہت عام ہوچُکا ہے”۔
View this post on Instagram
مریم نے لکھا “تمام اسٹیک ہولڈرز کو شہر برباد کرنے پر مبارک ہو”۔
ساتھ ہی اداکارہ نے شوہر کی خیریت بتائی اور لکھا کہ الحمداللہ وہ خیریت سے ہیں۔
یہ بھی پڑھیں: مریم نفیس کا فنکاروں پر تنقید کرنے والوں کو کرارا جواب
